Tuir Portavoz SIJK, dr. Sergio Lobo hatete, dadú COVID-19 iha Timor-Leste ba loron ohin nian, ema sira ne’ebé iha konfinamentu obrigatoriu hamutuk na’in 567, pasa ka liu ona loron 14 iha kuarentena hamutuk na’in 1339.

To’o ohin loron halo ona teste laboratoriu hamutuk 314, husi teste hirak ne’e kazu konfirmadu hamutuk 18, na’in ida rekopera no seluk mantein izola iha Vera-Kruz

“Kazu negativu hamutuk na’in 195, provavel hamutuk na’in haat no heinrezultadu hamutuk 97,” dehan nia, iha CCD, ohin.

Sergio hateten, sira ne’ebé ohin loron sai ona pozitivu to’o oras ne’e sira nia kondisaun diak hela, mediku no espesialista sira oras ne’e kontinua akompana hela sira.

Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.