Loron Mundial Labarik: Janeiru-Maiu, Labarik Na’in 86 Mate Iha HNGV Featured

By Elsa Belinha Juñu 01, 2020 2411
HNGV Dili HNGV Dili

DILI: Hahú husi fulan-Janeiru to’o iha fulan-Maiu tinan ne’e labarik na’in 86 mate tanba la konsege salva sira nia vida iha Hospital Nasional Guido Valadares (HNGV).

Xefe Unidade Pediatria HNGV, Breviado dos Santos relata, durante fulan lima nia laran (Janeiru-Maiu) labarik sira ne’ebé baixa iha sala pediatria ne’e hamutuk 1.245.

“Husi total pasiente ne’ebé baixa iha pediatria ne’e hamutuk 1.245, na’in 86 maka mate tanba mai ho kondisaun grave,”dehan nia iha nia knar fatin HNGV, segunda-ohin.

Nia esplika, labarik sira ne’ebé la konsege sira nia vida tanba sira mai ho kondisaun ne’ebé gravé tiha ona tanba ne’e sira mai baixa la to’o oras 48 sira mate. Labarik sira ne’ebé maka la konsege salva sira nia vida ne’e maioria mai ho moras Dengue, Mal nutrisaun, Diareia, infesaun respiratória nomos anemia.

Nia esplika, husi fulan-Janeiru to’o iha fulan-Maiu ne’e HNGV rejista kazu mal-nutrisaun hamutuk 127 husi total ne’e na’in lima (5) maka mate. Nune’e mós kazu infesaun respiratoria rejista hamutuk 275, husi ne’e na’in 10 maka mate. Kazu Diareia rejista 147 husi total ne’e na’in hat (4) maka mate, kazu TB rejista na’in 15, na’in ida (1) maka mate, moras anemia na’in tolu (3) maka mate nomos kazu Reumatic hanesan labarik sira sofre kurasaun nomos ho problema kakutak.

Rate this item
(0 votes)

Independente Digital TV