Portavoz Komando Jeral Polisia Nasionál Timor-Leste (PNTL) Superintendente Xefe Arnaldo Araújo informa, tuir relatoriu semanal iha periodu fulan Agostu, PNTL rejistu kazu asidente trafégu iha teritoriu Timor-Leste hamutuk 5. Husi asidente ne’e ema na’in 75 mak sai vitima.

Arnaldo hatete, iha asidente trafegu ne’ebé akontese husi loron 4 to’o 12 Agostu, rezulta ema na’in 6 no na’in 69 hetan kanek.

“Ita rejistu kazu asidente iha semana ida ne’e hamutuk lima no mate ema na’in neen, kanek kaman 59, kanek todan na’in 10, sira seluk kanek baibain. Ema hirak ne’e oras ne’e daudaun internadu hela iha Hospitál Gúidu Valadares, balun iha Manatuto, balun iha fatin ne’ebé mak asidente sira ne’e mosu ba,” dehan nia liu husi konfrensia imprensa iha Kuartél Jerál PNTL, Kaikoli, Kuarta (12/08).

Tanba ne’e vitima kanek Kaman 59, kanek todan nain 10, sira seluk kanek babain, ema hirak ne’e oras ne’e dadaun internadu hela iha Hospitál Gúidu Valadares,  balun iha Manatutu, balun iha fatin ne’ebe mak asidente sira ne’e mosu no balun rekupera ona sira nia saude fila ba uma.

Nia afirma, maske iha semana ida nia laran rejistu asisdente trafégu hodi rezulta ema mate no kanek, maibe sitausaun seguransa iha teritoriu timor laran lao hakamatek, tanba nee laiha akontesimentu ida ne’ebé ho eskola boot.

“Situasaun jerál iha teritoriu timor laran lao diak no kontroladu, durante oras 24, tanba ne’e la iha akontesimentu ida ne’ebé ho eskola boot,” tenik nia.