Likisá Prepara Ona Fatin Tolu ba Vitima COVID-19 Featured

By Domingos Gomes Abril 25, 2020 3157
Prezidente Autoridade Munisipiu Likisá, Domingos da Conçeição. Foto INDEPENDENTE/Jonio da Costa Prezidente Autoridade Munisipiu Likisá, Domingos da Conçeição. Foto INDEPENDENTE/Jonio da Costa

LIKISÁ: Forsa Tarefa ba Ekipa Konjunta Prevensaun COVID-19 iha munisipiu Likisá indentifika ona fatin tolu ba prevensaun surtu COVID-19.

Fatin ne’e prepara bainhira akontese transmisaun komunidade surtu COVID-19.

Prezidente Autoridade Munisipiu Likisá, Domingos da Conçeição hatete, durante periodu implementasaun EE iha Likisá ekipa COVID-19 Likisá identifika ona fatin ba prevensaun surtu covid-19, karik akontese transmisaun komunidade .

Nia dehan, fatin ne’ebé identifikadu mak kuarentina, izolamentu no semiteriu ba surtu COVID-19. Fatin hirak ne’e, mak hanesan kuarentina sei tau iha kolom medisina, fatin izolamentu tau iha ospital munisipal Likisá no fatin ba semiteriu deside tau fati treinu tiru PNTL.

“Fatin tolu ne’ebé ita identifika prevensaun surtu COVID-19 ne’e ekipa nasional SIJK mos haree ona no aseita karik moras corona virus ne’e tranmisaun akontese ita bele koloka ema sira ne’e ba iha fatin ne’ebé ita preparadu,”nia esplika.

Nia esplika, fatin sira ne’e identifika no preparadu ona, maibe sei iha limitasaun balun hanesan ahi ho bee mak seidauk instala.

“Izolamentu di’ak, maibé sala mak kiik liu, tanba iha sala sanulu de’it kuandu ema barak fatin ne’e labele, tanba alternativa seluk ha’u ko’alia ona katak, iha tibar mos fatin iha bainhira surutu COVID-19 aumenta bele muda ba iha tibar,”katak nia.

Likisá nuudar Munisipiu dahuluk afeitadu ba surtu COVID-19, ho konfirmadu positive na’in rua (Professora Portugues), no abitante sira seluk ne’ebé halo kontakta direita sei hein rejultadu teste laboratóriu.

Rate this item
(0 votes)

Independente Digital TV