Lider Istóriku Sai Forsa Sentrál Liberta Povu Featured

By Tomé Amado Marsu 12, 2018 2173
Lider istoriku sira Lider istoriku sira

DILI: Lider istóriku hanesan Xanana Gusmão, Ramos Horta, Mari Alkatiri, Francisco Lu- Olo, Taur Mata Ruak no Lere Anan Timur tenke sai lider sentrál  hodi ne’ebé sai autór vivu ba prosesu libertasaun povu husi mukit no kiak.

Eis Sekretaria Estadu Juventude no Desportu (SEJT), Leovigildo Hornai dehan, lider istóriku sira ne’ebé uluk luta ba libertasaun pátria la’ós partidu ida nian de’it , maibé sira nu’udar lider sentrál  hodi  liberta tan povu husi kiak no mukit.

 “Ha’u hakarak hateten ba ema hotu iha timor katak lider boot hanesan Xanana Gusmão, Ramos Horta, Mari Alkatiri, Lú Olo, Taur Mata Ruak, Lere Anan Timor labele partidu ida mak klaim katak ne’e sira nia lider mesak de’it, maibé tenke tau sira hanesan lider sentrál ida ne’ebé sai autór prinsipál no autór vivo ba ita nia prosesu ba libertasaun pátria no povu,” dehan nia ba Jornalista sira iha Otél Timor, Sababu (10/03).

Tanba ne’e, Nia husu ba Partidu Polítiku sira no sidadaun Timor-Leste atu respeita lider istóriku sira ne’e.

 “Ha’u husu ba Timoroan tomak tenke tane no dignifika duni Figura sentrál sira ne’e, no sira nu’udar lider partidu no sidadaun hotu nia,” nia sujere.

Nia dehan, sidadaun ne’ebé di'ak labele fahe lider istóriku sira no haree lider sira nia partidu, maibé sira mak lider timor-Leste nian iha mundu internasionál nia matan.

Rate this item
(0 votes)

Independente Digital TV