Print this page

Lere: Agora Labele Halimar, Krize Ne’e Entre Mate ho Moris Featured

By Domingos Gomes Abril 10, 2020 5499
Komandu F-FDTL, Lere Anan Timur. Foto Jonio da Costa/INDEPENDENTE Komandu F-FDTL, Lere Anan Timur. Foto Jonio da Costa/INDEPENDENTE

DILI: Xefe Estadu Maior Jenerál FALINTIL-Forsa Defeza Timor-Leste (F-FDTL), Maijor Jenerál Lere Anan Timur hatete, surtu coronavirus (Covid-19) ne’ebé ameasa dadauk Timor-Leste laos krize militár no polítika maibé entre mate no moris.

Tanba ne’e Komandu F-FDTL ne’e husu ba komunidade tenke kumpri regra Estadu Emerjénsia nian.

"Agora ita labele halimar ho situasaun ida ne'e porqeu dala ruma ita tauk diretu umanus, maibé kazu ida agora ne'e laos krize militar ka krize politika tanba krize entre vida ho mate, tanba ne'e ha'u husu ba komunidade atu kompriende situasaun,"dehan Lere ba jornalista sira hafoin partisipa enkontru implementasaun regras Estadu Emerjénsia iha CCD, Sesta (10/04).

Tuir nia observasaun katak movimentu transporte iha estrada hahú menus, maibé iha bairo-bairo komunidade barak kontinua la kumpre medidas estadu emerjénsia, tanba ne’e nia sei orienta PNTL ho F-FDTL tama sai bairo ema ne’ebé ko’alia la rona basa.

“Ita haree movimentasaun iha estrada hahú menus, maibé iha bairu sira mak la di’ak, tanba komunidade sira loke muzika, joga karta, tanba ne’e ha’u dehan di’ak liu PNTL ho F-FDTL halo patroillamentu tama sai bairo komunidade ne’ebé ko’alia la rona tenke basa,”dehan Lere.

Sentru Integradu Jestaun Krize (SIJK), relata kazu foun timor-oan ida positivu coronavirus (Covid-19).

Timor-oan ne’e tama ona sala izolamentu nian, enkuantu suspeitu positive ida uluk rekoopera no alta ona, hafoin teste mostra ran dala rua iha laboratoriu Dili, hatudu rejultadu negative no reforsa iha laboratoriu Darwin kontinua hatudu negativu.

Rate this item
(0 votes)

Related items