×

Atenção

JUser: :_load: Não foi possível carregar usuário com ID: 428

JUser: :_load: Não foi possível carregar usuário com ID: 425

Laiha Mapamentu, EDTL Difisil Deteta Ligasaun Ilegál Featured

By Fevereiru 14, 2017 1559
Prepagu iha Kondisaun dada ilegal Prepagu iha Kondisaun dada ilegal

DILI: Eletrisidade Timor Leste (EDTL) utiliza ona sistema foun hodi deteta ema sira ne’ebé dada ahi direita ka ilegál, maibé susar ba sira tanba tenke iha mapamentu mak bele fasilita sira nia servisu.

Diretór Nasionál Apoiu Konsumidór, José Fernandes hateten, tuir loloos labele iha ona inspesaun, maibé konxiénsia di'ak hodi sente eletrisidade ne’e ema hotu nian, hodi nune’e labele halo ligasaun direita.

Nia esplika, sistema recording iha kompletu, kada kliente ida kuandu la kompras (rekarga) loron 60 ne’e signifika muda tiha ona nia naran. Maibé, problema ne’ebé sira enfrenta mak naran ida dala ruma iha bairru-bairru barak mak hanesan.

Nia esplika, sistema iha mundu ema barak uza mapa maibé iha Timor tanba ai barak entaun difsil ba EDTL atu hala'o ida ne’e.

Iha tinan 2016 EDTL tenta halo kontrolu ba iha kliente rihun 32, atu nune’e bele redús ligasaun ilegál no sira bele ativu kompras enerjia. Maibé, ba fatin sira ne'ebé dook husi Dili labele halo tanba funsionáriu EDTL nian limitadu.

“Ita presiza grupu ne’ebé boot atu servisu tanba númeru kliente barak liu forsa EDTL ninian, tanba na’in 6 de’it mak tun ba halo inspesaun ita bele kontrola kliente rihun 400 ne’e ka lae?”tenik nia.

Sistema atu la'o di'ak tenke konxiénsia kliente sira kontribui buat ne’ebé hadi'a ona. Kona-ba sansaun lei regula hodi multa, tanba ne’e EDTL prepara ona broxura para fahe ba komunidade sira hodi hatene didi'ak.

Ahi Mate Halo Mákina Prepagu Avaria

Diretór José Fernandes hateten, ahi mate iha Domingu (12/2) kalan tanba ai monu iha parte Bekora no Manuleuana. Impaktu husi dezastre ne’e halo mákina avaria, maibé konsege hadi’a hikas fali.

“Ohin ami bele rezolve problema ne’e,” dehan nia, iha ninia servisu fatin, Kaikoli-Dili, horisehik.

Nia informa mós katak, ahi mate tanba la’ós impaktu husi dezastre naturais de’it, maibé liña balun nia idade kuaze 30 karga, iha loja sira ne’e kada loron fiu 20 mak hotu ida ne’e signifika katak ema kompras diretamente iha merkadu ne'ebá barak. entaun ba halo ligasaun direta ne’e mak kualidade liña tuan labele ona, maibé nafatin tula nafatin karga, entaun fiu tenke kotu no hakarak ka lakohi tenke hamate fider tenke liga fila fali ida ne’e tenke kuidadu didi'ak tanba ema nia karrega preparadu hela tanba ahi mate ema la hamate ema nia sasán kuandu liga fila fali karga ne’e ativa kedan ida ne’e mak problema. 

Rate this item
(0 votes)

Independente Digital TV