Konsellu Estadu Aseita Extende EE ba Periodu Datoluk Featured

By Domingos Gomes Maiu 26, 2020 2797
Reuniaun Konsellu Estadu ba deskusaun pedidu Governu extensaun Estadu Emerjensia ba datoluk, iha Palacio Presidensial, Bairo Pite Dili, Tersa (26/5). Foto Domingos Gomes/INDEPENDENTE Reuniaun Konsellu Estadu ba deskusaun pedidu Governu extensaun Estadu Emerjensia ba datoluk, iha Palacio Presidensial, Bairo Pite Dili, Tersa (26/5). Foto Domingos Gomes/INDEPENDENTE

DILI: Konsellu Superior Defeza no Seguransa (KSDS) no Kosellu Estadu (KE) aseita Estensaun Estadu Emerjénsia ba fulan ida tuir pedidu Governu nian

Tanba ne’e Presidente Repúblika Francisco Guterres Lú Olo sei enkamina pedidu Governu ne’e ba Parlamentu Nasional (PN) hodi deside pedidu ne’e.

Governu deside liu husi reuniaun Konsellu Ministru extende tan Estadu Emerjénsia ba datolu durante fulan ida.

Estadu Emerjénsia ne’e akontese da dala-tolu ona. Ba dahuluk anunsia iha loron 27 Marsu 2020, no termina iha loron 27 Abril 2020.  Estadu Emerjensia ba daruak anunsia iha loron 28 Abril no termine iha loron 27 Maiu 2020.

Pedidiu extensaun Estadu Emejénsia datolu Konsellu Estadu no Konsellu Superior Defeza no Seguransa aseita ona no Presidente Republika Fransisco Guterres Lú Olo sei aprejenta ba Parlamentu Nasionál.

Xefe Casa Sivil, José Maria Vasconselho hatete, enkontru Konsellu Superior Defeza no Seguransa (KSDS) no Konsellu Estadu (KE) ho PR Lú-Olo aseita ho estensaun Estadu Emerjensia fulan ida, maibe PR Lú-Olo tenke enkamina Pedidu Governu ba Parlamentu Nasional (PN).

KSDS-KE fó opiniaun Konsellu ba PR Lú Olo atu prepara pedidu Governu haruka ba Parlamentu Nasional, depois sei diskute no deside.

"PR Lú Olo rona KSDS-KE sira nia hanoin ohin enkamina kedas pedidu Governu ba PN atu deskuti tuir ajenda iha PN, depois ita rona rezultadu,"dehan Vasconselho ba jornalista sira hafoin remata enkontru KSDS-KE, iha Palasiu Prezidensial, BairoPite Díli(26/05).

Reniaun ne'e lidera husi Presidente Repúblika (PR), Francisco Guterres Lú Olo no partisipa husi Preimeiru Ministru (PM), Taur Matan Ruak, Ministru Defeza no Ministru Interior Interino (MDI), Filomeno da Paixão de Jesus, Ministru Negósiu Estrajeiru no Koperasaun (MNEK), Deonísio Babo Soares, Ministru Justisa Mainel Carçeres, Eis Primeiru Ministru Dr. Rui Maria de Araújo,  Xefe Estadu Maiór Jenerál (F-FDTL), Maijór Jenerál Lere Anan Timur, Komandante Jerál PNTL Komisariu Polisia Faustino da Costa no Reprezenta Parlamentu Nasional (PN), Deputadu David Mandati, Abel Pires, representa Veteranus José Manuel "Nakfila" inklui reprezenta Sosiadade Sivil Diretor FONGTIL Daniel dos Santos Carmo. Enkuantu Konsellu Estadu (KE)  Presidente Parlamentu Nasional (PPN),  Aniceito Guterres Presidente CNJTL Maria Dadi Magno no Presidente CCI-TL Oscar Lima, Alcino de Araújo Barris, konselleiru Masimu Partidu (KHUNTO) José dos Santos Naimori Bucar, representa Fokupers Diretor Ezekutivu  Maria José Guterres inklui membru PN balun.

Durante periodu Estadu Emerjénsia ba dahuluk no daruak, kazu konfirmadu positivu Covid-19 hamutuk 24. Total konfirmadu ne’e rekoperadu hotu ona, fatin izolamentu mamuk, no mate laiha. Enkuantu ema balun sei kumpri kuerentina iha Dili no iha Munsipiu sira.

Orsamentu ba kombate surtu Covid-19 hamutuk millaun $150 dollar Amerika.

Enkuantu besik fulan rua atu remata promesa Governu seidauk realiza. Tuir planu Governu atu fó subsidiu ba kada uma kain $100, Frontline kada ema $5 too $25, no subsidiu $60 ba salariu traballadór orgaun komunikasaun sosial sira.

Rate this item
(0 votes)
Last modified on Tersa, 26 Maiu 2020 15:05

Independente Digital TV