Print this page

Komandu PNTL Investiga Membru Featured

By Abril 05, 2019 1316
Komandante Jerál PNTL Komisáriu Faustino da Costa Komandante Jerál PNTL Komisáriu Faustino da Costa

DILI:Oras ne'e daudaun, Komandu Polísia Nasionál Timor Leste (PNTL) hala’o hela prosesu investigasaun ba membru ne’ebé tiru negosiante ambulante iha tuir lei interna instituisaun nian.

Komandante Jerál PNTL Komisáriu Faustino da Costa hateten, PNTL aprezenta ona kazu ne’e ba Prezidente Repúblika Francisco Guterres Lu Olo.

Faustino relata katak, liu-husi prosesu investigasaun mak bele hatene kona-ba  lala’ok ne’ebé viola lei.

“Bainhira iha rezultadu duni, entaun sansaun sei bazeia ba ami nia lei rasik ne’ebé eziste,” hateten Faustino ba jornalista sira hafoin enkontru semanál ho Prezidente Repúblika.

Husu ema hotu atu hein, tanba tempu mak sei determina, enkuantu oras ne’e prosesu la’o hela.

Bainhira iha ona rezultadu, komandu sei kontinua atualiza informasaun ba Prezidente Repúblika no públiku.

Entretantu, kazu ne’e akontese iha loron 2 fulan Abríl, iha ne’ebé polísia tiru gás lakrimojéneu hasoru negosiante ambulante ne’ebé hato’o petisaun ba Parlamentu Nasionál, tanba la konkorda ho polítika governu atu hasai sira husi sidade Dili.

Husi akontesimentu ne’e, rezulta inan ida hetan kanek iha parte ulun ne’ebé suku pontu rua. 

Rate this item
(0 votes)
Jose Sarito Amaral

Latest from Jose Sarito Amaral