Jestór Klínika Bairopité, Inácio dos Santos hatete, maske Doutór Daniel la hamutuk ona ho sira iha klínika ne’e maibé nia espiritu komitmentu nia prinsipiu ne’ebé sempre inspira sira atu kontinua klínika ne’e.
“Iha loron Kinta-feira ne’e haloot nia isin mate, iha Sexta ne’e ami hamós klinika no iha sábdu ami kontinua kedas fó atendimentu ba pasiente sira,”dehan nia iha nia knaar fatin, horisehik.
Nia dehan, médiku timoroan na’in hitu (7) maka substitui troka malu fó konsulta ba pasiente sira. Agora dadaun pasiente sira mós baraka nafatin mai konsulta hanesan Doutór Daniel sei moris fó konsulta ne’e.
Nia mós informa katak Ministériu Saúde (MS) sei bolu Klínika Bairopité (KBP) ba asina Memorandum Of Understanding (MoU) hodi apoiu orsamentu ba klínika ne’e atu bele hala’o nafatin sira nia servisu hodi fó asisténsia ba komunidade sira.
