Realidade Segunda-horisehik Bankada KHUNTO ho abertamente hatudu apoiu ba Governu hodi extende Estadu Emerjénsia ba kombate COVID-19.

"Kuandu ko’alia fali politiku mak Bankada CNRT ko’alia fali iha públiku, karik ida ne'e loos, tanba sira esperensia liu no sira mak  bankada boot iha Parlamentu Nasional,"dehan nia Deputadu Lui, iha Parlamentu Nasionál, tersa (28/04).

Maibé nia dehan, Bankada sira seluk intepreta relasiona politika ne'e sobu malu, ne'e fila-fali ba sira nia intepretasaun.

"Karik loos tanba sira mak Bankada boot iha Parlamentu Nasionál,"dehan nia.

Tuir nia, sira ko’alia hanesan ne’e,  Bankada kiik atu ko’alia saida, Bankada kiik apoiu saida de’it, apoiu estabilidade politiku iha rai laran no hamutuk iha unidade Nasionál hodi responde virus  ne'ebé agora nasaun infrenta.

“Pozisaun KHUNTO nian hakarak ko’alia ba públiku katak VIII Governu ne'e ami nia Partidu KHUNTO iha laran, inklui ami nia Prezidente partidu nian, ami tenke apoiu,”nia hateten.

Tanba ne’e membru Deputadu Partidu KHUNTO tuur iha Parlamentu Nasionál tanke apoiu ba interese nasaun.

“Se ami la fó apoiu ami bulak fali ona, kuandu la apoiu estrutura partidu nian ne'ebe tuur iha VIII Governu ne'e, atu nune'e sira servisu ho di’ak,”nia sublina.

Tuir Deputadu KHUNTO, katak loloos CNRT mos tenke apoiu hotu, tanba  sira membru mos iha VIII Governu nia laran hanesan tuir politika loloos.

Atuál Vise-Prezidente Parlamentu Nasionál husu partidu politiku hotu-hotu tenke apoiu malu atu nune'e bele responde di’ak ba COVID-19 ne'e, atu  nune'e iha futuru bele kria fali estabilidade ekonomiku iha rai laran.