Kazu Liga Internete Ilegal, SIK-PNTL Kaptura Tan Presidente ANC Featured

By Domingos Gomes Novembru 26, 2020 859
PNTL-SIK kaptura Presidente ANC iha nia servisu fatin, MTK, Kaikoli, Dili. Foto INDEPENDENTE/Domingos Gomes. PNTL-SIK kaptura Presidente ANC iha nia servisu fatin, MTK, Kaikoli, Dili. Foto INDEPENDENTE/Domingos Gomes.

DILI:Polisia Nasional Timor-Leste liuhusi Servisu Investigasaun Kriminal (SIK) hamutuk ho ekipa konjunta kinta-ohin kaptura tan Presidente Autoridade Nasionál Komunikasaun (ANC-sigla Portugés), João Olivio Freitas, relasiona ho kazu ligasaun internete.

PNTL hamutuk ho SIK halo kapturasaun bazeia ba mandadu husi autoridade judisiál.

“Kapturasaun ne’e ezekuta de’it mandadu husi autoridade judisiál nian. Sim, ida nee’e sei iha ligasaun ho ligasaun internete illegal,”dehan fonte anonimu ba Tempotimor.

Kapturasaun ne’e akontese, iha Presidente ANC nia servisu fatin Ministériu Transporte no Komunikasaun (MTK), merkadu lama, Kaikoli Dili iha tuku 11:00 otl.

Antes ne’e, kuarta horsehik (25/11), SIK kaptura mós CEO kompañia Telemor no Elit Computer tanba deskonfia halo ligasaun illegal mai Timor-Leste no distribui ba edifisiu estadu sira iha Timor-Leste.

Entretantu tuir observasaun jornal INDEPENDENTE iha edifisiu MTK, ekipa SIK lidera husi Komandante PSIKN Superintendente Xefe Jose Neto Mok akompaña husi IT Timor-oan Abilio Caldas halo buska ba iha Presidente ANC nia edifisiu MTK.

Hafoin halo kaputarasaun Presidente ANC rekolla dadus ne’ebé durante ANC uza hodi hetan benefisiu husi kompaña Telemor ho Elite Computer.

Ekipa kontinua halo observasaun iha suspeitu nia rezidensia (hela fatin) iha area kampung baru, Malinamu, Suku Komoro, Postu Adminitrativu Dom Aleixo, Munisipiu Dili.

Rate this item
(0 votes)
Last modified on Kinta, 26 Novembru 2020 12:52

Independente Digital TV