Kazu Konfirmadu COVID-19 Sa’e Ba 22 Featured

By Jasinto Xavier Abril 20, 2020 2283
Portavoz SIJK, dr. Rui Maria de Araujo Portavoz SIJK, dr. Rui Maria de Araujo

DILI: Sala Situasaun Sentru Intergradu Jestaun Krize (SIJK), informa katak kazu konfirmadu Corona Virus (COVID-19), iha Timor-Leste ba loron ohin (20/2), sa’e ba ema na’in ba 22.

Tuir Portavoz SIJK, Dr. Rui Maria de Araujo hatete, dadús kazu konfirmadu COVID-19 iha Timor-Leste ba loron ohin nian, ema sira ne’ebé iha konfinamentu obrigatoriu hamutuk na’in 597, Pasa ka liu ona loron 14 iha kuarentena hamutuk na’in 1339.

Kazu atual COVID-19 ba loron ohin suspeitu hamutuk 327, provavel iha na’in lima, negativu 208, hein rezultadu na’in 92.

“Total Kazu konfirmadu ba loron ohin nian sa’e ba 22 ita aumenta tan kazu floun tolu,”dehan nia, liu husi konferensia Impresa, iha CCD, ohin.

Dr. Rui hateten, kazu konfirmadu antes ne’e hamutuk 19, maibé aumenta kazu foun tolu kazu hamutuk 22, rekopera ema na’in ida nafatin.

Nia esplika, kazu konfirmadu no provavél iha Timor sei nafatin restritu ka grupu neen, aumenta grupu foun rua, husi hotel lesidere, no grupu professor sira iha Likisa.

Ba sira ne’ebé ohin loron sai ona pozitivu to’o oras ne’e sira nia kondisaun di'ak hela, mediku no espesialista sira oras ne’e kontinua akompana hela sira.

Husu nafatin ba sidadaun hotu iha Timor laran tomak atu kontinua kumpre regra ne’ebé maka Organizasaun Saúde Mundial (OMS), fó sai ona katak, tenke fase liman bei-beik ho sabaun, kumpre distansia sosial no fiziku.

Rate this item
(0 votes)
Last modified on Segunda, 20 Abril 2020 15:57

Independente Digital TV