Karta Alkatiri ba PM Taur: Lamenta Alterasaun Lei RAEOA-ZEESM Featured

By INDEPENDENTE Jullu 21, 2019 6978
Taur ho Alkatiri kaer liman hafoin hasoru Presidente Republika iha tinan rua kotuk. Foto INDEPENDENTE Taur ho Alkatiri kaer liman hafoin hasoru Presidente Republika iha tinan rua kotuk. Foto INDEPENDENTE

DILI:Presidente Região Administrativa Especial de Oé-Cusse Ambeno no Zonas Especiais de Economia Social da Mercado de Oé-Cusse Ambeno no Ataúro (RAEOA-ZEESM), Mari Alkatiri hatoo ona karta ba Primeiru Ministru Taur Matan Ruak kona-ba nia mandatu, ne’ebé sei remata iha fulan ida ne’e ikus.

Iha karta ne’e, Alkatiri lementa no konsidera proposta alterasaun Lei kriasaun RAEOA-ZEESM TL, no hetan votasaun favorável iha Parlamentu Nasional la respeita karáter diferensiadu previstu iha Konstituisaun Timor-Leste nian ba Oé-Cusse Ambeno no Ataúro.

Nia afirma, iha Loron 18 Fulan-Juñu, tinan 2014, liu husi publikasaun Jornal da República, Lei no 3/2014, tuir prosesu ida naruk ho investigasaun, estudu no negosiasaun mak hahú Região Administrativa Especial de Oé-Cusse Ambeno no Zonas Especiais de Economia Social da Mercado de Oé-Cusse Ambeno no Ataúro (RAEOA-ZEESM).

Durante tinan lima iha Oé-Qusse, konsege konretiza ona projetu sira, mak hanesan hari’i Estrada Pakote II; Ponte Noefefan; Barajem no Sistema Irigasaun Tono; Aeroportu Internasional Oé-Cusse Ambeno “Rota do Sândalo”, hari’i no halo operasional Sentral Elétrika Inur Sakato; hari’i infraestrutura ba distribuisaun elétrika no garantia hodi kobre eletrisidade %100 ba populasaun Oé-Cusse; hari’i no halo operasional Klínika Espesial Oé-Cusse Ambeno; Konstrusaun Edifísiu  Administrativu agora dadauk lao hela; Konstrusaun Kompleksu Rezidensial Fulolo; Hotel Ambeno; konstrusaun eskola sira no reabilitasaun rede eskola nian.

“Hare’e ba dezafiu ne’ebé ha’u hasoru tiha ona no obra mak halo to’o ohin loron, ha’u senti katak ha’u kumpri duni ha’u nia dever tanba projetu sira ne’ebé dezenvolvidu iha tinan liman nia laran, halo transformasaun pozitiva bainhira ita hare’e ba pasadu Rejiaun Oé-Cusse nian. Ohin loron fatin ida ne’ebé bolu atensaun ba investidor no bainaka sira mai vizita Oé-Cusse, tantu ema nasional ka estranjeiru, no dezenvolvimentu ida ne’e hau fiar katak labele lao ba kotuk, hanesan tempu uluk, bainhira hahu’u projetu RAEOA-ZEESM”.

“Nune’e, ho konsiderasaun ba sirkunstânsia ne’ebe hau hasoru agora, hau senti katak hau tenke fo’o hatene ba Sua. Eselênsia ne’ebe iha data hanesan, ha’u hato’o ba Sua Eselênsia, Señor Prezidente Repúblika ha’u nia desizaun ikus liu kona ba funsaun nuudar Presidente da Autoridade da RAEOA-ZEESM TL, ho efeitu iha loron 31 fulan Jullu Tinan 2019 no ha’u sei la kontinua mandatu ida ne’e,”dehan Alkatiri iha nia karta ne’ebé hatoo ba PM Taur.

Entretntu hafoin Primeiru Ministru Taur Matan Ruak, hateten ba jornalista sira katak molok ida molok karta Alkatiri, nia mós hakerek ona karta ida ba Prezidente Repúblika no laiha intensaun atu halo estensaun ba mandatu Mari Alkatiri iha RAEOA.

Kona-bá desizaun, Primeiru Ministru hateten, hein de’it  Prezidente Repúblika mak deside, tanba Prezidente Repúblika rasik simu ona lei ne’ebé foin lalais ne’e Parlamentu Nasionál halo alterasaun, no kontinua estuda.

Rate this item
(0 votes)

Independente Digital TV