Kalohan: PM Taur Hakarak Remodela Governu Tenke Ko’alia Partidu CNRT Featured

By Aquino Gomes Abril 29, 2020 4037
Kalohan Kalohan

DILI:Xefe Bankada Partidu Demokratiku iha Parlamentu Nasionál (PN), Antonio da Conceicão (Kalohan) informa bainhira Primeiru Ministru Taur Matan Ruak iha hanoin atu halo remodelasaun tenki ko’alia mós ho partidu CNRT nuudar mós na’in ba Governu ne’e.

“Kuandu planu (remodelasaun), Governu tenke ko’alia mós ba CNRT, tanba Governu atuál ne’e forma husi Aliansa Mudansa ba Progressu (AMP) nian,” dehan Sekretariu Jeral Partidu Demokratiku ne’e Iha Parlamentu Nasionál, Kuarta (29/04).

Tuir nia, laiha infleunsia ida mai Partidu Demokratiku, tanba ne’e normal, remodela ne’e signifika katak AMP uluk ne’e sei iha nafatin.

“Maibé agora halo remodelasaun buat ida la’os saida hodi hatama fali ema seluk  ne’e hanesan ita main curang,”nia dehan.

Entretantu Sekretariu Jerál partidu FRETILIN, Mari Alkatiri iha portal LUSA hatete, FRETILIN prontu apoiu VIII Governu ne’e too mandatu remata.

Iha LUSA hatete, FRETILIN sei okupa kargu entre Ministériu Finansas, Administrasaun Statal no Saúde iha VIII Governu ne’e.

Tanba ne’e, tuir Kalohan katak, Primeiru Ministru  iha hanoin halo remodelasaun tenke ko’alia dadiak ba CNRT, tanba Primeiru Ministru atuál mai husi AMP.

Tuir nia katak, PM Taur labele hanoin hanesan PLP, tanba ne’e remodelasaun ne’ebé atu akontese nuudar Sekretariu Jerál Partidu Demokratiku la tama iha hanoin.

“Ami hanoin mak karik remodelasaun ne’e iha kuandu Governu ne’e normal hela atu nune’e sira hadia sira nia uma laran, agora uma ne’e naksobu dehan hadia fali, ita hotu-hotu hamutuk mak sobu uma ne’e. Uma nia na’in mak se fali,”nia hateten.

Rate this item
(0 votes)

Independente Digital TV