Kuarta, 12 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-11&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Presidente Tribunal Rekursu Foun Presidente Tribunal Rekursu Foun

JSMP Defende Desizaun Taur ba Nomeasaun PTR-PJR Featured

DILI: Relasiona ho noemasaun no estensaun ba mandatu Prezidente Tribunál Rekursu (PTR) no Prokuradór Jerál Repúblika (PJR), Programa Monitorizasaun Sistema Judisiáriu (JSMP) defende nafatin desizaun ne'ebé Prezidente Repúblika sesante, Taur Matan Ruak, foti ona.

Tuir organizasaun naun governamentál ne’e, nomeasaun no estensaun ba mandatu PTR no PJR tuir norma legál no iha ámbitu kompeténsia Prezidente Repúblika sesante ninian.

“Portantu, ne’e Prezidente Repúblika (Francisco Guterres ‘Lu-Olo) bele iha hanoin seluk. Bele rona depois foti desizaun seluk ne’e”, dehan Diretór Ezekutivu JSPM, Luis Sampio de Oliveira, hafoin soru-mutu ho PR Lu-Olo, iha Palasiu Prezidensiál, horisehik.

JSMP husu ba Prezidente Repúblika kuandu halo desizaun ida labele afeta ba normalidade funsionamentu intuisaun demokrátiku, liuliu órgaun judisiáriu nian.

Iha enkontru ne’e, JSMP mós entrega paraser ba Prezidente Repúblika relasiona ho nomeasaun PTR no estensaun mandatu PJR nian ne’ebé to’o agora sei iha inserteza nia-laran.

Nia dehan, Prezidente Repúblika bele halo desizaun ida depois avalia opiniaun husi ema hotu-hotu.

Ne’e duni, JSMP husu Xefe Estadu atu konsidera bainhira atu foti desizaun ida bele normaliza instituisaun judisiáriu sira no órgaun soberanu sira bele funsiona normál.

“Ami husu atu konsidera atu halo desizaun ida, bahasa Indonesia dehan bijaksana no mós desizaun ida ne'ebé bele menus risku ba ita nia funsionamentu Estadu liu husi promove diálogu polítiku no tékniku relasaun órgaun soberanu sira”, hateten nia.

Portantu, Luis dehan, rona tiha opiniaun avaliasaun husi individu ka instituisaun hotu-hotu sei halo desizaun ne'ebé própriu ba situasaun ida ne’e.

Tanba ne’e, Prezidente Repúblika seidauk iha opiniaun, tanba Xefe Estadu sei rona parte sira hotu no sei konsulta órgaun soberanu sira halo diálogu polítiku ida atu hetan solusaun ne’e.

Antes ne’e, nomeasaun PTR no estensaun mandatu PJR hamosu polémika iha nivel polítiku sira, tanba Parlamentu Nasionál ezije atu desizaun Prezidente Repúblika nian tenke hetan ratifikasaun deputadu PN sira.

Maibé, iha mandatu Prezidente Repúblika sestante, Taur Matan Ruak, bainhira deside nomeasaun no estensaun ba mandatu rua ne’e, la haruka ba PN hodi halo ratifikasaun.

Read 728 times
Rate this item
(0 votes)

About Author