Print this page

Inserteza iha Tinan 18 Restaurasaun Independénsia Featured

By Pedro Alves Maiu 19, 2020 2372
Restaurasaun independensia Timor-Leste ba dala-XVIII Restaurasaun independensia Timor-Leste ba dala-XVIII

DILI: Iha 20 Maiu tinan ida ne’e, Timor-Leste sei restaura ninia independensia ba tinan 18. Maibé, ba tinan ida ne’e laiha “festa” hanesan tinan baibain, tanba Timor-Leste sei implementa Estadu Emerjensia (EE).

Aleinde EE, Timor-Leste mós hasoru inserteza politika tanba impase ne’ebé la’o ona durante tinan tolu no hahú sai manas liu tan bainhira deputadu sira iha PN hada’u-malu kadeira Prezidente Parlamentu Nasioná.

Komunidade sira sente triste ho restaurasaun independensia tinan 18 ne’e, tanba TL hasoru EE no iha hela inserteza nia laran.

Xefe Suku Santa Kruz, Munisipiu Dili, Marciano Juvinal sente tiste tanba komemorasaun loron restaurasaun independensia iha tinan ida ne’e monu iha situasaun defisil nia laran ho EE no empase politika ne’ebe seidauk iha rohan.

“Karik iha tinan ida ne’e ita sei labele halo buat ida hodi selebra ita-nia loron restaurasaun independensia nian, tanba iha hela EE nia laran,” dehan Xefe Suku ne’e iha nia knar fatin, Segunda (18/05).

Iha tinan ida ne’e nia laran, nia hatete, TL hasoru problema surtu COVID-19 ne’ebe halo TL nakdoko no hasoru mós impasse politika ne’ebé hahú halo ema barak komesa la hatene atu tau loos esperansa ba saida.

“Orsamenu mós lao de’it ho duodesimu, dezenvolvimentu baziku ne’ebé durate ema barak hein mós labele lao tanba de’it problema orsamentu ne’e,” dehan nia.

Tan ne’e, nia husu ba lider nasional sira atu lolo lliman ba malu hodi simu malu hodi resolve problema ne’ebé TL daudauk ne’e hasoru.

Laiha Festa

Primeiru Ministru Taur Matan Ruak hatete, kada tinan iha 20 Maiu Timor-oan sira sempre haksolok iha palasiu governu maibé tinan ida ne’e sei laiha festa.

Maske laiha komemorasaun, maibé PM Taur hatete, Prezidente Repúblika Francisco Guterres Lu Olo sei haruka nia mensajen ba Timor-oan tomak.

“Governu sei kontribui espala mensajen presidente republika nian nune’e ita hotu bele idaidak  iha nia fatin maibé fo importnaisa ba 20  Maiu, loron restaurasaun independensia” dehan PM Taur.

Entertantu, maske laiha selebrasaun 20 Maiu, maibé tuir observasaun jornalista INDEPENDENTE, negosiante balun faan bandeira RDTL iha estrada publiku.

Alende ne’e, superemerkadu husi diresaun Timor plaza to’o iha palasiu governu, Kolmera, no Audian, hasa’e ona bandeira RDTL iha idaidak nia fatin.

Rate this item
(0 votes)