Igreja Katólika Apoiu Alkatiri Ba PM Featured

By Jacinto Xavier Setembru 14, 2017 4387
Bispu Dioseze Dili Don, Virgílio do Carmo Bispu Dioseze Dili Don, Virgílio do Carmo

DILIIgreja Katólika Timor-Leste iha kometimentu hodi apoiu Sekretáriu Jerál FRETILIN, Mari Alkatiri hodi lidera VII Governu Konstitusionál atu bele dezenvolve nasaun ne’e ba oin.

“Sira nomeia ona Mari Alkatiri ba Primeiru Ministru ita agradese, ita apoiu atu bele halo lalais programa governu, tanba ita mós hein kleur ona ita nia xefe governu”, dehan Amu Bispu Dioseze Dili Don, Virgílio do Carmo, iha Episcopal, Lesidere, horisehik.

Tuir nia, durante iha eleisaun parlamentár, povu maioria fó konfiansa ba partidu FRETILIN. Tanba ne’e, sai hanesan manan maioria simples iha eleisaun tuir estatutu partidu fó dalan ba sekretáriu jerál atu asume kargu primeiru ministru no agradese ba desizaun sira ne’e hotu.

Nia subliña, hanesan lideransa Uma Kreda iha Timor-Leste prontu atu servisu ho sé de'it mak ba asume primeiru ministru, importante mak kontinua servisu ho parte hotu atu bele lori dezenvolvimentu ba povu. 

Rate this item
(1 Vote)

Independente Digital TV