Igreja Alerta ba Povu TL Tenki Vota Featured

By Artur da Luz Maiu 11, 2018 1771
Bispo Basilio Bispo Basilio

DILI: Núnsiu Apostóliku no Bispo ioseze Baucau, Dom Basílio do Nascimento husu povu Timor-Leste ne’ebé idade 17 ba leten tenki tuir votasaun.

Bispo Dioseze Baucau hato’o mensazen ne’e, hafoin remata renova akordu entre governu hó uma kreda iha palasiu governu, Kinta (10/05).

Igreja kontinua fó korazen ba Timoroan tomak tenki ba vota hodi determina futuru nasaun Timor-Leste.

Tanba tuir nia katak bainhira sidadaun ida mak la tuir votasaun mak sei lakon votu no diretu nudaar sidadaun hodi determina futuru Timor-Leste nian.

“Hanesan sidadaun nia la ezerse nia responsabilidade, nia la kontribui ba nasaun nia vida. Ne’e duni bainhira governu forma ona mós hirak ne’ebé la mai vota labele mai mangame dehan estadu tenki mai haree ami hanesan ne’e tanba sira la halo sira nia obrigasaun,”apela Dom Basílio.

Bispo hatutan, loron 12 fulan-Maiu loron importante tebes, sidadaun hotu iha obrigasaun atu vota hodi bele kontribui ba páz no estabilidade nasaun nian.

Governu Desloka Ona Estudante Sira ba Munisipiu

Entretantu estudante husi 12 munisipiu inklui rejiaun auotonomo Oekusse kinta horiseik halo ona deslokasaun ba ida-idak munisipiu hodi tuir eleisaun antisipada.

Deslokasaun ne’e hetan fasilitasaun governu ho karreta 30 ne’ebé fahe ba diresaun ida idak nian, hanesan parte leste munisipiu Manatutu, Baukau, Viqueque no Lospalos  konsenta iha estrada BOP Kaikoli. Parte rai klaran hanesan Aileu, Ainaro, Manufahi no Suai konsentra iha Centru Convensaun Dili (CCD).

Parte Oeste hanesan Ermera, Maliana konsenta iha Ministériu Administrasaun no desloka ba Atauro Oekusse iha portu Dili ho transporte ro Lazu no Nakroma

Tuir Diretór Jerál Urbanizasaun-MAE, Miguel De  Carvalho hatete, governu prepara ona karreta 30 atu bele tula estudante sira.

Karreta ba parte leste hamutuk 11 sei lori estudante munisipiu Manatutu,Viqueque, Baukau no Lospalos, ne’ebé bele tula estudante to’o 700 pessoas.

Ba parte oeste hanesan Ermera no  Bobonaru iha kareta 8, konsentra  iha Ministériu Administrasaun Estatal nia oin, Estudante sira iha Atauru no Oekusse-Ambeno sei sae ro’o Laziu no Nakroma iha portu Dili.

Diretór ne’e klarifika katak governu apoiu transporte ba de’it, maibé fila fali mai Dili husu ba estudante sira atu buka ida-idak nia transporte.

Rate this item
(0 votes)

Independente Digital TV