Kinta, 29 Outubru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-10-28&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
HNGV HNGV

HNGV Labele Atende Moras 3, husu Governu Investe Featured

DILI: To’o ohin loron, Hospital Nasionál Guido Valadares seidauk iha kapasidade atu halo tratamentu ba moras kurasaun, kankru no rins, tan ne’e governu presiza halo investimentu ba uniku ospital nasionál iha Timor-Leste ne’e.

Xefe Departamentu Cirúrjia Alito Soares hatete, durante ne’e bainhira HNGV simu pasiente ne’ebé sofre moras tolu ne’e, sempre halo transferensia ba ospital sira iha rai li’ur.

Atu bele reduz númeru transferensia, nia dehan, governu presiza halo investimentu ba HNGV.

“Agora daudaun pasiente barak mak sofre moras kurasaun, kankru no rins presiza ba halo tratamentu iha rai li’ur tanba labele atende iha HNGV,” dehan nia iha nia knar-fatin, Kinta (17/09)..

Nia informa, iha fulan ida ne’e nia laran, iha pasiente na’in tolu ne’ebé sofre moras tolu ne’e mak HNGV transfere ona ba ospital iha Malazia, Idonezia no Singapura.

“Númeru detallu ba transferensia pasiente ne’e ladun hatene maibé semana kotuk ba ha’u-nia pasiente de’it na’in 10 resin mak presiza halo transferénsia,” dehan nia.

Ho situasaun ida ne’e, nia hatutan, hatudu katak pasiente barak mak presiza duni halo tratamentu saúde iha rai li’ur tanba HNGV laiha kapasidade atu atende.

Nia dehan, Ministériu Saúde presiza investe iha rekursu umanu, ekipamentu no medikamentu ba moras tolu ne’e, nune’e bele redus transferensia pasiente ba rai li’ur.

“Presiza investe fasilidade saúde iha HNGV, hahú husi tratamentu primária to’o tersiária. Tanba ho kondisaun ida ne’e mak  bele prevene no redúz hodi transfere pasiente ba li’ur,” nia afirma.

Read 322 times
Rate this item
(0 votes)