Hametin Seguransa Marítima Presiza Investe Makaas Featured

By INDEPENDENTE Marsu 09, 2018 1168
Roo Marina destaka iha Portu Hera Roo Marina destaka iha Portu Hera

DILI:Timor-Leste hatudu ona ninia kapasidade iha negosiasaun liña fronteira marítima ne'ebé ikus mai konsege hetan akordu permanente ho Austrália.

Ne’e duni, Ministru Defeza no Seguransa, José Agostinho Sequeira ‘Somotxo’ husu Estadu tenke investe makaas ba instituisaun defeza no seguransa nian hodi asegura iha área kosta súl.

“Ita manan ona ita nia fronteira marítima . Ita nia tasi komesa luan no boot. Agora ita sa’e ai mak hafuhu de’it ka presiza kria kondisaun. Nu’udar Ministru ha’u presiza garante seguransa iha ita nia fronteira marítima ”, tenik nia, iha servisu fatin, Vila-Verde, horisehik.

Atu asegura rikeza TL nian iha tasi okos no tasi leten presiza investimentu boot. Somotxo fó ezemplu, nasaun sira iha mundu kompletu ho sira nia ekipamentu funu hanesan aviaun no ro funu hodi garante seguransa ba soberania nasaun nian.

Kontradisaun ho Timor-Leste, laiha kondisaun atu fó seguransa ba tasi. Ró sira ne'ebé apoiu ba Komponente Navál atu halo patrullamentu iha kosta súl laiha kapasidade.

Ne’e duni, Timor-Leste presiza ona ekipamentu ne'ebé sufisiente ho kapasidade di'ak para bele apoiu defeza hodi halo patrullamentu no intervensaun.  

Rate this item
(0 votes)

Independente Digital TV