Tersa, 15 Outubru 2019 | Login
Hahú Abríl, Dezliga Totál Sim Card La Rejista

Hahú Abríl, Dezliga Totál Sim Card La Rejista Featured

DILI: Autoridade Nacional Comunicacão (ANC) koopera ho operadór telekomunikasaun iha Timor-Leste hodi dezliga totál sim card ne’ebé la rejista to’o 31 Marsu 2019.

Ba númeru telemovel hirak ne’ebé la rejistu hahú loron 16 Marsu to’o 31 Marsu 2019, sei suspende ninia ligasaun hodi fó oportunidade atu bele rejista. Maibé, la halo rejistrasaun nafatin maka hahú loron 1 Abríl sei dezliga totál.

Prezidente ANC, João Olívio Freitas hateten, informasaun hirak ne’e hato’o ona ba operadór telekomunikasaun iha Timor-Leste atu halo suspensaun ba númeru telemovel ne’ebé lakohi rejista.

“Sira ne’ebé la rejistu operadór tenke suspende númeru atu labele halo kontakta, ikus maka suspende sei la ba rejistu nafatin, sei dezliga permanente”, dehan nia, iha knaar fatin, Kaikoli, horisehik.

Iha tinan 2008, Governu Timor-Leste hasai dekretu lei ida ho númeru 9/2008 hodi hasai regulamentu ida kona-ba rede telekomunikasaun ida ba operadór na’in tolu kona-ba rede movel.

Dekretu lei ne’e hateten, utilizadór ka kliente hotu servisu ba telemovel iha Timor-Leste tenke rejistu hotu. Nune’e, iha tinan 2017 ANC introdús ba operadór tolu Timor Telecom, Telemor No Telkomcel.

João dehan, kona-ba prosesu ne’e liu husi konsultasaun lori tempu naruk, iha tinan 2016 foin vigora hodi fó ba operadór tolu atu halo rejistrasaun sim card.

Nune’e, sim card ne’e mak la rejista sei blokeiu totál no labarik menór husi tinan 15 mai kraik sei la fó autorizasaun atu bele sosa sim card.

Alende ne’e, sei fó limitasaun asesu sim card kuantidade neen (6) ba kada ema ida, labele liu.

Nia dehan, iha fulan-Setembru 2018 operadór tolu aprezenta katak foin konsumidór 85% maka rejista, tanba ne’e husu atu aumenta tan tempu.

Nune’e, ANC extende tan hodi fasilita ho kondisaun hodi aumenta husi fulan Outubru 2018 to’o 31 Marsu 2019, ne’ebé asina kompromisu boot termina tuir tempu.

Tanba ne’e, operadór tolu ne’e kumpre, bainhira liu data ne’e sei selu multa osan tuir númeru ne’ebé determina ona.

Oras ne’e daudaun operadór Timor Telecom mak aprezenta ona ba autoridade kona-ba prosesu rejistrasaun ne’e, maibé husi parte Telemor no Telkomcel seidauk aprezenta.  

 

Read 861 times
Rate this item
(0 votes)
MidAd1