Hafoin Hasoru PM Taur, Posibilidade Arsenio Bano Troka Tan LUGU Featured

By Pedro Alves Juñu 08, 2020 2888
, eis Sekretáriu Jerál Rejiaun Autonomo Espesial Oekusi Ambeno (RAEOA) Arsenio Bano, halo konferensia imprensa hafoin hasoru malu ho Primeiru Ministru Taur Matan Ruak, iha Palacio Governu, Segunda ohin (8/6). Foto Pedro Alves/INDEPENDENTE. , eis Sekretáriu Jerál Rejiaun Autonomo Espesial Oekusi Ambeno (RAEOA) Arsenio Bano, halo konferensia imprensa hafoin hasoru malu ho Primeiru Ministru Taur Matan Ruak, iha Palacio Governu, Segunda ohin (8/6). Foto Pedro Alves/INDEPENDENTE.

DILI:Ambiente hakmatek tebes, hafoin hasoru malu ho Primeiru Ministru Taur Matan Ruak, eis Sekretáriu Jerál Rejiaun Autonomo Espesial Oekusi Ambeno (RAEOA) Arsenio Bano haree husi nia expresaun hatudu oin kontente, oin midar no hamnasa.

Eis Ministru Solidariedade Sosial ne’e dehan, hasoru malu ne’e, hodi rona orientasaun no hetan liafuan murak husi Primeiru Ministru kona-ba futuru dezenvolvimentu Zona Espesial Ekonomia Sosial Merkadu (ZEESM).

Nia deklara prontu atu lidera fila-fali RAEOA banhira Governu Sentral fó fiar tanba nia rasik mak halo estudu no planu harii (ZEESM) maibé assuntu ne’e kompeténsia Primeiru Ministru nian.

“Enkontru ho Primeiru Ministru  kontente tanba Primeiru Ministru iha tempu hasoru ha’u, husu uitoan kona-ba situasaun  Oekusi rona orientasaun no liafuan murak barak husi Primeiru Ministru ba oin rai ne’e atu lao oinsa,”dehan eis Arsenio, iha Palasiu Governu,( 08/06).

Tanba ne’e, nia husu no apela ba maluk Oekusi-oan sira kalma la presiza hirus malu, dun malu husik Primeiru Ministru atu haree asuntu ne’e.

Tanba nia simu orientasaun husi Primeiru Ministru lista naruk tebes, importante mak Oekusi tenke ba oin.

Nunee hanesan eis Sekretariu Rejional nomos Oekusi-oan, koñese Oekusi di’ak no servisu tinan lima nia mak halo estudu iha ne’eba no doutor Mari Alkatiri mak hahú.

“Soldadu prontu ne’e sempre siap selalu hanesan eis titular simu mos pensaun sei negara perlu yah siap, jangan tolak, serta baik baik,”tenik nia.

Entretantu, atuál Presidente REAOA, José Luis Guterres foin tinan ida iha Oekusse, hafoin hetan fiar husi Primeiru Ministru Taur Matan Ruak.

Rate this item
(0 votes)
Last modified on Segunda, 08 Juñu 2020 12:37

Independente Digital TV