Tersa, 07 Abril 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-04-05&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Bandeira Timor-Leste Bandeira Timor-Leste

Governu TL Agradese Ba Apoiu Governu Japaun Featured

DILI: Kontribuisaun Governu Japaun ba dezenvolvimentu Timor-Leste boot tebes. Apoiu lubuk ida maka oferese ona hahú husi infraestrutura, edukasaun, defeza, administrasaun no seluk tan ne’ebé ajuda tebes prosesu dezenvolvimentu iha nasaun ne’e.

Ne’e duni, Governu Timor-Leste fó agradesimentu boot ba doasaun husi Povu no Governu Japaun hodi apoiu prosesu dezenvolvimentu nasaun ne’e.

Iha tinan ne’e, Governu Japaun konstrui tan edifísiu foun ba Fakuldade Enjeñaria Siénsia no Teknolojia (FEST-UNTL) ho padraun internasionál ho kustu orsamentu tokon USD $22 no mós projetu Ponte Kais Ferry Pasajeiru.

Primeiru Ministru, Taur Matan Ruak, lori Governu Timor-Leste nia naran hato’o agradesimentu ba Povu no Governu Japaun, atraves Vise-Ministru Parlamentár ba Negósiu Estranjeiru Japaun, Nakayama Norihiro.

“Ha’u-nia Governu kontinua fó importánsia ba kooperasaun ne’e. Kooperasaun ne’e fó benefísiu barak liu ba ami-nia povu (TL) no ha’u agradese tebes ba ida ne’e”, dehan PM Taur, iha Palasiu Governu, horisehik.

Liután, Xefe Governu ne’e hateten, obra rua ponte kais ferry no edifisiu eskola UNTL ne’ebé inaugura ne’e, importante tebes ba dezenvolvimentu Timor-Leste nian ba oin.

Kais Terminál Pasajeiru sei fasilita konetividade iha transporte marítima, enkuantu edifísiu foun Fakuldade Enjeñaria Siénsia no Teknolojia-UNTL, sei ajuda tebes dezenvolve akadémika, sientífika no tékniku.

Entretantu, Vise Ministru Parlamentár ba Negósiu Estranjeiru Japaun, Nakayama Norihiro hateten, prezensa iha Timor-Leste atu selebra aniversáriu tinan 20 Asisténsia Ofisiál ba Dezenvolvimentu Governu Japaun ba Timor-Leste.

Iha tempu hanesan atu partisipa inaugurasaun Kais Terminál Pasajeiru Dili no edifísiu foun Fakuldade Enjeñaria Siénsia no Teknolojia-UNTL nian iha Hera.

Nia hatutan, durante tinan 20 asisténsia Japaun nian ajuda barak ona Timor-Leste iha área oioin hodi dezenvolve nasaun ne’e, iha termu rekursu umanu, administrasaun no infraestrutura sira.

Iha enkontru ne’e sita mós kona-ba negosiasaun kona-ba asisténsia Japaun nian ba rekonstrusaun Aeroportu Dili, no hein katak parte rua bele hetan konsensu hodi bele hahú ona obra ne’e, inklui ko’alia mós kona-ba kooperasaun iha seguransa marítima trilaterál entre Timor-Leste, Japaun no Indonézia.

Inaugurasaun Edifísiu FEST-UNTL

Serimónia Inaugurasaun projetu konstrusaun edifísiu FEST Universidade Nasionál Timor-Lorosa’e (UNTL), ne’ebé hetan fundus husi Governu Japaun inaugura ona iha loron 14 Janeiru 2020.

Objetivu husi projetu ne’e atu kontribui ba melloramentu ambiente aprendizajen dezenvolvimentu rekursu umanu industriál iha Timor-Leste.

Konstrusaun ne’e implementada husi fulan Fevereiru 2018 to’o Outubru 2019, ne’ebé responsabiliza husi kompañia Rinkai Nissan Construction, supervizaun ba projetu ne’e hamutuk ho Yamashita Sekkei Inc Intern Consulting ho valór orsamentu hamutuk tokon ¥2.231 ka kuaze tokon USD $21. Husi projetu ne’e konsege emprega timoroan hamutuk na’in 122.

Konstrusaun ne’e kompleta ho sala aula hamutuk 20, iha aula 15 ne’ebé kada aula bele akumula ema na’in 40 no aula lima seluk kada aula bele akumula ema na’in 80. Auditóriu ho kadeira hamutuk 400, biblioteka, eskritóriu ba dekanu no dosente sira, asesu dalan ba ema ho defisiénsia sira.

Alende ne’e governu Japaun mós apoiu fasilidade tipu 39 ne’ebé entrega ona ba FEST iha 12 Jullu 2019, ba aprendizajen no laboratóriu departamentu lima, Enjeñaria Informátika, Jeolojia no Petróleu, Mekánika, Konstrusaun Sivíl, Elétrika no Eletrónika.

Iha adisaun ba konstrusaun edifísiu foun, JICA implementa hela projetu kooperasaun téknika ida ba FEST ne’ebé hanaran “Projetu Dezenvolvimentu Kapasidade FEST-UNTL faze daruak (Projetu CADEFST Faze II), ne’ebé suporta husi profesór balun husi universidade iha Japaun.

Objetivu husi projetu ne’e mak atu hasa’e kapasidade edukasaun no peskiza iha FEST. Projetu ne’e hahú husi Augustu 2016 no sei hotu iha 22 Marsu tinan ne’e.

Serimónia ne’e organizadu husi UNTL, ne’ebé atende husi Vise-Ministru Negósiu Estranjeiru Asuntu Parlamentár Japaun, Norihiro Nakayama, Ministru Ensinu Superiór Siénsia no Kultura (MSSK), Longuinhos dos Santos, Embaixadór Interinu Japaun iha Timor-Leste, Shingo Higashimoto, Reitór UNTL, no Membru governu balun no abitante Hera.

Read 722 times
Rate this item
(0 votes)
MidAd1