Governu sei Tetu Jogu CPLP Featured

By Marsu 09, 2020 3044
Koordenadór Komisaun ba Jogu Desportivu Komunidade Paisses Lingua Portugues (CPLP) João Rodrigues Koordenadór Komisaun ba Jogu Desportivu Komunidade Paisses Lingua Portugues (CPLP) João Rodrigues

DILI:Koordenadór Komisaun ba Jogu Desportivu Komunidade Paisses Lingua Portugues (CPLP) João Rodrigues informa, governu sei tetu jogu CPLP ne'ebé sei realiza iha TL iha fulan Abril tinan ne'e, relasiona ho virus corona ne’ebé alarma iha mundu.

Koordenadór ne'e dehan, hare’e ba problema mundiál, iha 19 to'o 22 Abril nia laran sei konvoka reuniaun ho Sekretariu Estadu membru CPLP nian no liñas Ministérial hotu hodi husu opiniaun husi atu foti desizaun ba jogu CPLP.

"Katak hapara jogu CPLP muda fali ba prossimu anu 2021-2022, tanba relasiona virus corona ne’ebé alarga iha mundu, ka iha meius seluk atu kontinua jogu ne’e nafatin," dehan nia.

Tenke Tau Importansia

Diretor Forum Oganizasaun Naun Governamental Timor Leste (FONGTIL) Daniel Santos Carmo husu ba governu atu tau importansia ba prevensaun virus corona.

Tuir nia, ohin loron governu koalia ibun mamuk maibé nunka prevee osan hodi sosa ekipamentu no laran mentin de'it ba doador sira.

“Ita durante ne’e hein de'it doasaun husi  nasaun seluk, estadu rasik la tau osan verba ruma ba sosa ekipamentus halo prevensaun, edukasaun sivika ba publiku mos ita la haree, halo deziminasaun ba governu no entidade governu sira de'it maibé ba pbliku laiha,” dehan Diretor FONGTIL ne'e.

Maske virus ne'e sai ona ameasa ba nasaun lubuk ida, maibé, nia husu atu labele paniku ho informasaun sira ne'ebé espala, liu-liu iha facebook.

“Ita alerta atu governu tau seriedade hodi sosa ekipamentu ho kualidade no adekuadu atu proteze pesoal sira ne’ebé serbisu hodi sira bele deteta ema ne’ebé tama-sai iha portu no aeroportu,” dehan nia.

Rate this item
(0 votes)

Independente Digital TV