Kuarta, 22 Janeiru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-01-21&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Dollar Amerika Dollar Amerika

Governu sei Ko'a OJE 2020 Tuir Kapasidade Ezekusaun 2019 Featured

DILI: Governu liu-husi Komisaun Revizaun Orsamentu Jerál Estadu (OJE) 2020, sei ko'a osan ho montante biliaun $1.95 bazeia ba kapasidade ezekusaun tinan 2019.

Antes ne’e, tuir Komisaun C Parlamentu Nasionál hatete Primeiru Ministru aseita ona proposta OJE 2020 bele redús ba montante biliaun USD $1.6.

Tanba ne'e, Primeiru Ministru (PM) Taur Matan Ruak fó ona orientasaun ba Komisaun revizaun hodi  hahú halo revizaun no aprezenta hikas ba Parlamentu Nasionál (PN), tuir tempu   determinadu.

Xefe Governu aprezenta ona kestaun ne'e ba Prezidente Repúblika (PR) Francisco Guterres Lu Olo, iha Palásiu Prezidensiál Bairupité, horisehik.

"Ha'u fó ona orientasaun ba komisaun ne’ebé halo revizaun ba orsamentu atu ku'a osan tuir kapasidade ezekusaun tinan 2019", PM Taur sublinha.

Nia aprezenta katak, Komisaun Interminesterial ne'ebé atu halo revizaun ba Orsamentu Jerál Estadu, kompostu husi ministériu haat no lidera husi Ministru Estadu Prezidénsia Konsellu Ministru, Agio Pereira.

Xefe governu ne'e mós esplika liu tan katak, Proposta Orsamentu Jerál Estadu (OJE) 2020 ne’ebé retira husi Parlamentu Nasionál ho nia senáriu rua atu hili, foti fali (retira) orsamentu ou obriga Parlamentu Nasionál atu vota kontra.

Bainhira obriga Parlamentu Nasionál atu vota kontra, signifika tinan oin estadu sei funsiona bazeia ba duadésimu, governu monu no rearanju ambiente polítika iha Parlamentu Nasionál, tanba ne’e, tuir Primeiru Ministru, Governu hili retira.

Eis Xefe Estadu ne'e rekonhese katak, desizaun polítika ne’ebé foti atu ku'a proposta OJE sei fó impaktu ba dezenvolvimentu ne’ebé sei hala’o ho lalais eh neineik.

Atuál Xefe governu  prefere atu la’o neineik tanba, ida ne’e sai mós nu’udar responsabilidade Parlamentu Nasionál nian ne'ebé iha relasaun ho jestaun ba espetativa povu nian.

Entretantu,  Sekretáriu Estadu Komunikasaun Sosiál  (SEKOMS), Merício Juvinál dos Reis Akara hateten, ekipa  revizaun orsamentu ne'e lidera husi Ministru Prezidensia Konsellu Ministru Agio Pereira, hamutuk ho Ministra Finansas Interina Sara Lobo, Ministra Edukasaun Juventude no Desportu Dulce de Jesus no Ministru Transporte Komunikasaun José Agostinho da Silva.

Nia hatutan, tuir planu, data ne'ebé Primeiru Ministru deklara katak, sei lori hikas Orsamentu ne'e ba PN iha loron 13 fulan ne'e.

Read 401 times
Rate this item
(0 votes)
MidAd1