Governu Aprova Ona Pakote Rekoperasaun Ekonomia Featured

By Pedro Alves Abril 23, 2020 2608
Negosiante Modo iha Dalan Ninin Terminal Tasi Tolu. Foto INDEPENDENTE/Jonio da Coosta Negosiante Modo iha Dalan Ninin Terminal Tasi Tolu. Foto INDEPENDENTE/Jonio da Coosta

DILI: Ministru Koordenadór Asuntu Ekonomiku (MKAE) Fidelis Manuel Leite Magalhaes informa mós katak governu aprova ona pakote rekoperasaun ekonomia.

"Subsidiu hirak ne'e iha Konselu Ministru tama pakote ekonomiku jeral i governu aprova tiha ona ba dala rua ida aprova iha komisaun interministerial no ida iha Konselu Ministru, agora to'o ona faze detallu atu pasa dekretu sira hodi bele implementa ho di'ak," dehan nia.

Fidelis dehan, governu ne'ebé lidera husi Primeiru Ministru Taur Matan Ruak sei haree preokupasaun povu nian iha situasaun estadu emerjensia.

"Ha'u hakarak hato'o de'it mensajen ba komunidade sira katak, governu ho lideransa primeiru ministru Taur Matan Ruak nian preokupa ho ita-boot sira-nia ben estar no moris durante iha situasaun emerjensia ne'e no mós ba futuru par bele iha kapasidade sufisiente atu bele aguenta iha situasaun ne'e."

Molok implementa, nia hatete, governu sei halo ajustamentu ba dadus ne'ebé mak iha.

Rate this item
(0 votes)

Independente Digital TV