Print this page

Gil: Setór Edukasaun no Seguransa Importante Kombate Violénsia Hasoru Feto Featured

By Camilio de Sousa Novembru 26, 2020 1458
Presidente Konsellu Imprensa (KI), Virgilio Guterres. Presidente Konsellu Imprensa (KI), Virgilio Guterres.

DILI:Atu kombate violénsia hasoru feto no labarik feto iha Timor-Leste laos presiza de’it lei rigorozu, maibé prioridade liu mós tenki ba setór seguransa no edukasaun.

Presidente Konsellu Imprensa (KI), Virgilio Guterres hateten atu prevene violénsia hasoru feto no labarik feto, Governu no Parlamentu Nasional tenke prioritiza setór seguransa no edukasaun.

"Ha’u dehan setór seguransa no edukasaun mak bele halakon tensaun violénsia hasoru feto no labarik feto sira. Ha’u fó exemplu kazu Rai-Kotu ne’ebé hamate mana Domingas bele akontese tanba seguransa ladun maximu liliu PNTL dalaruma hakarak lalais atu atua maibé orsamentu laiha,”dehan Guterres nuudar ativista kontra violensia hasoru feto, iha nia kampaña iha loron 25 Novembru 2020 nuudar loron primeiru ba kampaña hapara violénsia kontra feto, sei kontinua ho atividades diferentes durante loron 16 no termina iha loron 10 Dezembro 2020.

Tuir Gil katak, setór edukasaun mós importante atu halokon violénsia hasoru feto no labarik feto sira tanba bainhira ema hotu-hotu iha ona edukasaun ne’eb’e naton, sira rasik mak sei iha konsensia hodi hapara violénsia hasoru feto no labarik feto sira.

Tanba ne’e, nia rekomenda ba Guvernu no Parlamentu Nasional hodi tau osan boto ba setór edukasaun no seguransa hodi kombate violasaun hasoru feto no labarik feto iha iha Timor-Leste.

Iha fatin hanesan, Adjunto Administradór postu Dom Aleixo hatete, presiza servisu hamutuk ho organizasaun Rede Feto sira hamutuk ho autoridade lokal sira hodi bele prevene violénsia ne’ebé akontese iha bairu ka iha suku komoro.

"Ha'u hanoin, se bele ita boot sira servisu hamutuk ho Autoridade lokal, suku no Igreja sira atu nunee ita bele prevene no kombate violénsia iha ita nia nasaun Timor-Leste ne’e,"nia dehan.

Rate this item
(0 votes)