Fumadór-Lanudór Sei Ameasa Ba COVID-19 Featured

By Elsa Belinha Abril 26, 2020 1660
Ilustrasaun Foto: Tua ne'ebe forte. Foto google Ilustrasaun Foto: Tua ne'ebe forte. Foto google

DILI: Sentru Integradu Jestaun Krize (SIJK) deklara katak ema ne’ebé fumadór no hemu tuadór nia risku bo’ot atu hetan Corona Virus Deasses 2019 (COVID-19) ne’ebé gravé no krítiku.

Portavoz Sentru Integradu Jestaun Krize (SIJK) Dr. Rui Maria de Araújo hatete, evidensia iha mundu tomak hatudu katak ema ne’ebé fumadór no hemu tuadór iha tendénsia bo’ot liu atu tama iha kategoria kazu gravé no krítiku bainhira detetadu moras COVID-19.

“Husu ba maluk sira ne’ebé fumadór no hemu tua dór ho konsiensia bele hapara fuma no hemu tua hodi labele hetan covid-29 ne’ebé grave no krítiku” dehan nia iha konferensia imprensa iha CCD, Ohin.

Nia esplika, kazu gravé signifika sei dada is susar no presiza oxijeniu no kazu kritiku signifika dada is la diak presiza makina ventilador hodi tulun nia dada is akontese ida ne’e ba fuma dór hemu tuadór sira tanba iritasaun husi tabaku no alcohol provoka resposta inflamasaun ne’ebé maka’as liu iha pulmaun wainhira hetan tan infesaun husi COVID-19 kompara ho ema ne’ebé la fuma no la hemu tua.

Husu ba públiku tomak atu halo prevensaun ba fuma tabaku no hemu tua atu labele hetan moras COVID-19 ne’ebé gravé no krítiku bainhira iha detesaun ruma.

Nia mós husu ba públiku atu mantein nafatin distansiamentu sosial no kuidadu ijiene pessoal fase liman bebeik.

Rate this item
(0 votes)

Independente Digital TV