Sexta, 18 Outubru 2019 | Login
Joven nain mate hetan oho iha Loerema. Foto INDEPENDENTE Joven nain mate hetan oho iha Loerema. Foto INDEPENDENTE

Feen ho Laen entre Arguidu 10 ba Kazu Leorema Featured

DILI: Tribunál Distritál Dili (TDD) iha Sesta (26/07) hasai desizaun final ba kazu Leorema ne’ebé envolve husi arguidu na’in 10. Entre arguidu hirak ne’e iha mós feen ho laen ho inisial DAV no JC ne’ebé iha oan kaduak kiik-oan.

Iha ninia desizaun, TDD aplika prizaun peventiva ba arguidu na’in 10 hodi hein prosesu investigasaun ne’ebé Ministériu Públiku (MP) sei hala’o.

Aleinde feen ho laen ne’e iha mós arguidu na’in 8 seluk ho inisial TS, AP, MLM, AS, LC, CM, EL, DC.

Ministériu Públiku akuza arguidu sira ho krime omesidiu agravadu ne’ebé previstu iha artigu 139 husi kodigu penal no mós lei arma branka númeru 5/2017.

Bainhira rona desizaun tribunal, arguida ho inisial DAV tanis tanba hanoin nia oan kaduak ne’ebé daudauk ne’e hela iha Eskuadra Polisia Likisa.

Defeza ba arguidu sira, Rui Antonio Mendonca deklara ladun konkorda ho desizaun Tribunál nian no sei halo rekursu ba Tribunal Rekursu.

Defeza ne’e dehan, razaun hato’o rekursu tanba arguidu na’in rua, DAV no JC, nia oan kaduak iha hela kazerna PNTL Likisa.

“Agora sira na’in rua nia oan see mak tau-matan,” dehan defeza ne’e.

Tuir nia, ba kazu ida ne’e, arguidu na’in rua ne’e konsidera nu’udar vitima tanba laiha indisius no sira ne’e laiha fatin akontesimentu.Top of Form

Read 707 times Last modified on Tersa, 30 Jullu 2019 13:49
Rate this item
(0 votes)