Sábadu, 11 Jullu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-07-09&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Estudantes timoroa iha Xinan. Foto Google Estudantes timoroa iha Xinan. Foto Google

Estudante Timor-oan 170 iha Xina, Besik 20 iha Wuhan Featured

DILI: Iha inisiu tinan 2020, virus foun ida ho naran Corona konsege doko mundu, hafoin ema na’in lubuk ida iha Xina. Virus ne’e hahú deteta iha sidade Wuhan iha provisinsia Hubei, Xina.

Tuir públikasaun husi bbc.com ne’ebé jornal INDEPENDENTE sita,  iha 27 Janeiru 2020ema na’in 80 mak mate ona tanba virus Corona no besik na’in 3.000 mak pozitivu hetan moras refere.

Virus ne’e hahú fó terror ba mundu tanba sidadaun nasaun balun mós identifika hetan da’et husi virus refere hafoin hala’o viajen ba Xina.

Iha Timor Leste, maske to’o iha Segunda (27/01), parte kompetente sira seidauk anunsia identifika ema balun ne’ebé sofre moras refere, maibé iha ona antisipasaun ne’ebé governu hala’o hela.

Perigu boot daudauk ne’e hafuhu hela estudante Timor-oan na’in 170 ne’ebé hala’o estudu iha Xina.

Ministru Negosiu Estranjeiru no Kooperasaun Dionisio Babo Soares informa, estudante Timor-oan besik na’in 170 mak hala’o hela estudu iha Xina no entre númeru ne’e besik na’in 20 mak hela iha Wuhan.

“Ita iha purvotlta de 170 estudantes iha Xina depois hamutuk entre 18 ka 20 mak iha sidade naran Wuhan, sidade ida ne’e sidade ida ne’ebé hamosu virus ida naran Corona ne’ebé to’o agora seidauk iha aimoruk,” dehan Babo ba jornalista sira hafoin entrega karta kredensiál ba Prezidente Repúblika iha Palasiu Prezidensiál Bairu-Pite, Segunda (27/01).

Atu bele hasai estudante Timor-oan sira iha Xina, Babo dehan, halo ona enkontru interministerial hodi buka meius.

“Ami tenta ona atu iha enkontru ida nivél ministerial haree to’ok medidas sai da mak ita bele halo, karik ita kontaktu governu Xineza atu se bele ita-nia estudante agora hela de’it iha asrama, sira labele sai (mais) sira tenke taka hotu sira-nia aan atu labele hetan moras,” dehan nia.

Iha Parlamentu Nasionál, deputadu sira husu ba governu atu buka meius hodi ajuda Timor-oan sira iha Xina.

Deputadu bankada PLP Abel Pires husu ba embaixada TL iha Xina atu halo intervensaun lalais.

“Besik na’in 20 mak halo estudu iha sidade Wuhan, sidade ne’e mak orijen husi virus corona ne’e, agora daudauk informasaun direta husi kolega sira ne’ebá katak sira mós agora ne’e tama ona izolamentu labele sai husi sira-nia fatin, sira hela iha universidade, kestaun katak hahaan mós menús ona,” dehan Abel.

Prezidente Bankada FRETILIN Aniceto Longuinhos Lopes husu ba governu atu buka lalais solusaun, la’os de’it ba estudante Timor-oan iha Xina maibé mós ba Timor-oan ne’ebé serbisu iha embaixada TL iha Xina.

“Timor-oan sira iha embaixada Xina agora preokupadu ate balun to’o tanis iha embixada laran, Agora sira atu halo nusa?,” deputadu ne’e husu.

Tán ne’e, hanesan interese nasionál, nia dehan, FRETILIN ezije medidas imediata no konkretu hodi halo prevensaun.

Read 1418 times
Rate this item
(1 Vote)

About Author