Kuarta, 20 Janeiru 2021 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2021-01-19&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Ekipa mediku COVID-19. Foto esp. Ekipa mediku COVID-19. Foto esp.

Ekipamentus Prevensaun COVID-19 Hahú Menus Featured

DILI:Ekipamentus ba prevensaun Coronavirus Deasses 2019 (COVID-19) iha Servisu Autonomu Medikamentus no Ekipamentus Saúde (SAMES) kontinua menus.

Diretór Ezekutivu SAMES Santina Martins hatete, agora dadaun hela de’it ekipamentu protesaun pessoal iha item 10 hanesan sapeu, oklu, propriu taka oin, maskara cirurjia no maskara espesifiku ba iha fatin izolamentu maskara N95, nomós ropa gaun no botas.

“Stok ne’ebé agora dadaun iha armajen SAMES menus ba bebeik koko atu halo jestaun external ba stok ne’ebé iha maibé nesesidade nafatin,”dehan nia iha nia knaar fatin SAMES, tersa ohin, hafoin Komisaun F Parlamentu Nasionál halo fiskalizasaun ba armajen SAMES.

Nia esplika, ekipamentu hirak ne’e pakote ida ne’ebé integradu labele menus ida.  

“Agora dadaun botas ho oklu maka stok laiha sira seluk ne’e mós komesa menus ona hela oituan de’it ona,”tenik nia.

Iha fatin hanesan Prezidente Komisaun F Parlamentu Nasional, Maria Bareto reforsa katak, ekipamentu ne’ebé halo prevensaun ba COVID-19 ne’e komesa menus.

“Ekipamentu hanesan gaun falta oituan de’it ona nomós oklu ne’ebé proteje sira ne’e mós menus ona laboratoriu nasional no fatin izolamentu mós agora la iha. Distribuisaun la iha ne’e mós sai ameasas bo’ot,”dehan nia.

Komisaun F halo fiskalizasaun ba SAMES hodi konfirma kona-ba ekipamentu sira ne’ebé foin lalais aviaun tula mai Dili.

Hafoin halo konfirmasaun, Deputada ne’e dehan, ekipamentu hirak ne’e seidauk too iha SAMES, maibé nia espera katak iha tempu besik ekipaamentu hirak ne’e bele too iha SAMES hodi atende nesesidade COVID-19 nian.

Read 1877 times
Rate this item
(0 votes)