Eis Deputadu Balun Sei Lori Karreta Prado ba Uma Featured

By Jacinto Xavier Setembru 08, 2017 1532
Karreta Prado PN Karreta Prado PN

DILI: Maski loron-kuarta mak loron ikus entrega karreta Prado Parlamentu Nasionál, maibé too loron kinta horsehik eis deputadu balun sei lori hela karreta ba uma.

Mandatu deputadu ba IV lezislatura remata ona iha loron tersa (5/9), hafoin deputadu foun hetan tomada posse.

Tuir observasaun Diariu INDEPENDENTE nota katak, karreta Parlamentu Nasionál III lezislatura dadaun ne’e balun para ona iha resintu Parlamentu Nasionál no balun kontinua utiliza sapa privadu no balun uza sapa matrikula orizinál parlamentu.

Tuir Sekretáriu Jerál Parlamentu Nasionál, Mateus Belo hatete, karreta Prado sira ne’ebé durante ne’e deputadu III lezislatura sira utiliza hala’o servisu Parlamentu Nasionál komesa balun entrega ona maibé balun seidauk tanba balun ba ona foho. 

Tuir nia, karreta sira ne’ebé dadaun para ona iha resinto parlamentu Deputadu sira entrega kedas iha momentu simu tomada pose.

 Maibé sira ne’ebé entrga ona ne’e sei peretense ba Parlamentu Nasionál atu bele halo jestaun. Karreta balun komesa utiliza ona husi Vise Presidente Parlamentu Nasionál na’in rua ne’e.

“Karreta sira ne’e balun iha ne’e numeru mak ha’u lahatene maibé sira ne’ebé seidauk mai ne’e ami kontaktu ona parese loron hitu hanesan ne’e bele tama hotu ona,”dehan Sekjer Mateus iha Parlamentu Nasionál.

Relasiona ho transaksaun kareta foun ba deputadu IV lezislatura ne’e parte konsellu administrasaun Parlamentu Nasionál suspende prosesu aprovizionamentu maibé atu sosa karreta foun ba deputadu foun sira ne’e depende ona ba politika IV lezislatura.

Iha fatin hanesan, Presidente Parlamentu Nasionál Aniceto Longuinhos Guterres hatete, prosesu alienasaun ne’e III lezislatura halo ona desizaun tanba ne’e IV lezislatura atu kaer nafatin desizaun ne’e maibé plenariu IV lezislatura bele mos halo mudansa seluk.

“Ha’u hanesan Presidente Parlamentu Nasionál ha’u abele dehan katak sei la muda plenariu mak soberanu,” ehan Aniceto iha PN.

Tanba ne’e situasaun kona-ba karreta sira ne’e ita hotu-hotu hein plenariu parlamentu ne’e sei iha desizaun seluk ka mantein nafatin ho desijaun ne’e.

 

Rate this item
(0 votes)

Independente Digital TV