Detekta Kazu Positivu 2 iha Tasitolu, Movimentu Sei Lao Normal Featured

By Camilio de Sousa Marsu 08, 2021 1330
Karreta transporte publiku kontinua lai iha terminal Tasitolu. Foto Camilio de Sousa. Karreta transporte publiku kontinua lai iha terminal Tasitolu. Foto Camilio de Sousa.

DILI:Relasiona ho Kazu Covid-19 rua ne’ebé parte ekipa epidemolojika saude horkalan deteta na'in rua iha Tasitolu BTN II, maibé tuir observasaun Online INDEPENDENTE nota katak fatin refere seidauk blokea no movimentu nafatin lao hanesan baibain.

Realidade mós hatudu, dalan protokolu komesa husi Bundaran Comoro Nicolau Lobato to’o Tasitolu  movimentasaun ema no transporte publiku no privadu kontinua movimenta hanesan baibain.

Alende ne’e merkadu mall Golgota, eskola sira ne’ebé besik hanesan São Miguel Arcanjo no eskola Nicolau Lobato kontinua lao normal hanesan baibain no mós atividade negosiu iha terminal Tasitolu kontinua rame nafatin.

Tuir dadus  kazu foun hamutuk na'in tolu, na'in rua husi Dili ne'ebe relata Domingu kalan no na'in ida husi Covalima relata Sabdu lokraik. Nune'e pasiente moras Covid-19 hamutuk 28, ne’ebé sei iha sala izolamentu Vera Crus Dili.

Rate this item
(0 votes)

Independente Digital TV