Print this page

Deputadu CNRT Haklalak, Karta Destituisaun Meza PPN Kontinua Pasa Featured

By Jasinto Xavier Maiu 19, 2020 2251
karta destituisaun meza PN Pasa iha situasaun deputadu sira husi partidu CNRT haklalak no baku meza. Foto INDEPENDENTE karta destituisaun meza PN Pasa iha situasaun deputadu sira husi partidu CNRT haklalak no baku meza. Foto INDEPENDENTE

DILI: Maski iha situasaun la kontroladu no deputadu husi partidu CNRT haklalak baku meza, maibé Bankada Partidu Tolu hanesan FRETILIN, PLP no KHUNTO kontinua halo votasaun ba karta destituisaun Meza Prezidente Parlamentu Nasionál (PPN), ne’ebé pasa ho votus afavor 36.

Tuir observaasaun INDPENDENTE Online nota katak, iha votausan ne’e deputadu husi bankada tolu hanesan PLP, FRETILIN no KHUNTO mesak halo votasaun ho forma vota sekretu.

Iha votasaun ne’e rasik parte husi Bankada Partidu Demokratiku (PD), Frente Mudansa/UDT, PUDD no CNRT nia deputadu sira hambrik asiste de’it no la envolve iha votasaun refere.

Iha votasaun ne’e, deputadu bankada CNRT kontra ateke argumentu ho deputadu aliadu husi FRETILIN, PLP no KHUNTO nian.

Iha plenaria laran Deputadu husi CNRT baku meza no haklalak dehan, votasaun illegal, tanba la tuir rejimentu PN nian.

Deputadu CNRT, Jose Virgilio ne’ebé hakilar ho lian boot dehan, votasaun ne’e illegal tanba normalmente iha situasaun ne’ebé di’ak atu halo votasaun ruma Prezidente Parlamentu Nasionál tenke halo ajendamentu, maibé iha sesaun ne’e laiha ajendamentu husi Prezidente PN.

Rate this item
(0 votes)
Last modified on Tersa, 19 Maiu 2020 13:17