Dala Ida Tan, Aihan Fohuk iha Dili Mart Featured

By Mariano Mendonça Dezembru 15, 2020 670
KAK detein manajer loja Dili Mart, hafoin fahe aihan fohuk ba komunidade sira. Foto KAK. KAK detein manajer loja Dili Mart, hafoin fahe aihan fohuk ba komunidade sira. Foto KAK.

DILI: Supermerkadu Dili Mart kontinua sita atensaun, hafoin kazu fahe aihan fohuk iha implementasaun programa sesta bazika, iha Segunda (14/12), autoridade sira deteta tan makaraun fohuk iha supermerkadu ne’e.

Autoridade Inspesaun no Fiskalizasaun ba Atividade Ekonomiku, Sanitataria no Alimentasaun (AIFAESA) hamutuk ho Ministru Koordenadór Asuntu Ekonomiku (MKAE) Joaquim Amaral iha ninia inspesaun konsege deteta hahan fohuk iha supermekadu Dili Mart.

Prezensa AIFAESA ho MKAE iha Dili Mart atu halo inspesaun ba implementasaun sesta bazika, no ikus mai konsege deteta makaraun fohuk.

“Sasan sira hanesan makaraun aat ona, tanba ne’e AIFAESA halo intervensaun kedas, fó ona karta konvokatoriu ba manejer Dili Mart nian, aban sira ba presta informasaun iha AIFAESA,” dehan nia hafoin inpesaun iha Loza Lider, Segunda (14/12).

Kona-ba karik sei fó sansaun ba Dili Mart, Gabriel dehan, bainhira faan aihan aat nia sansaun mak selu multa hahú husi rihun $1 to’o rihun $10.

Ba kestaun ne’e, Jestor Dili Mart Elsa Maia Machado rekoñese katak aihan balun fohuk tanba sira atrapalla ho implementasaun sesta bazika nune’e la konsege kontrola.

"Loron hirak ne'e ami preokupa ho produtu lokal, dala-ruma staf sira mós ladun haree hodi foti sai, munking ida ne’e sira haluha hasai, ami prontu koopera ho AIFAESA bainhira buat ruma failansu," dehan nia.

Rate this item
(0 votes)

Independente Digital TV