Porta Voz Sentru Integradu Jestaun Krize (SIJK) Doutór Sergio Lobo hatete, dadus kona-ba ema ne’ebé halo teste laboratóriu hamutuk 1.314. Kazu konfirmadu mantein 24 laiha kazu foun, fatin izolamentu mamuk.

“Ema ne’ebé hein rezultadu laboratóriu hamutuk 289 no ema na’in 1.219 maka nia rezultadu negativu ona,”dehan nia liuhusi konferensia imprensa iha CCD, ohin.

Nia informa, ema ne’ebé sei iha kuarentena obrigatóriu hamutuk 47 kompostu husi Dili hamutuk 41 no iha munisipiu sira hamutuk neen (6). Ema ne’ebé halo autokuarentena hamutuk 43 husi Dili 38 no iha munisipiu lima (5). Ema ne’ebé livre ona husi kuarentena hamutuk 2.242 husi Dili 1.742 no iha munisipiu 500.

Husu ba populasaun tomak atu kontinua kumpri regra distansiamentu fíziku mínimu metru ida. Kontinua prátika ijiene pessoal fase liman bebeik no liman labele kose ba matan, ibun, no inus uza maskara wainhira sai husi uma.