Dadus 15 Maiu: Kazu Positivu Covid-19 Mamuk Featured

By Elsa Belinha Maiu 15, 2020 2053
Dr. Sergio Lobo Dr. Sergio Lobo

DILI: Kazu konfirmadu pozitivu Corona Virus Deasses 2019 (Covid-19) na’in 24 ne’ebé durante ne’e hala’o tratamentu iha fatin izolamentu Vera Kruz rekuperadu hotu ona, maka hatudu ona ba mundu katak Timor-Leste livre ona husi kazu konfirmadu.

Porta Voz Sentru Integradu Jestaun  Krize (SIJK) Doutór Sergio Lobo hatete, pasiente pozitivu Covid-19 na’in haat (4) iha fatin izolamentu mak ikus husi total kazau konfirmadu 24.

“Pasiente pozitivu Covid-19 na’in 24 rekuperadu hotu ona, ema na’in 435 hein rezultadu teste laboratóriu,”dehan nia liuhusi konferensia imprensa iha CCD, ohin.

Nia informa, dadus kona-ba ema ne’ebé halo teste laboratóriu hamutuk 1.314, ema na’in 855 nia rezultadu laboratóriu hatudu negativu. Ema na’in 44 sei halo konfinamentu obrigatóriu iha fasilidade sira ne’ebé Governu prepara. Ema na’in 2.238 maka liu ona loron 14 iha kuarentena.

Nia apela ba públiku tomak katak maske la iha ona kazu konfirmadu pozitivu Covid-19 nian maibé nafatin kumpri protokolu Organizsaun Mundial Saúde (OMS) nian atu mantein nafatin distansiamentu sosial, kuidadu ijiene pesoal fase liman bebeik evita liman kose bai bun, inus no matan. Uza nafatin maskara bainhira sai ba li’ur.

Rate this item
(0 votes)

Independente Digital TV