CNRT: La Nesesariu Harii Uma ba Deputadu

By Aquino Gomes Agostu 19, 2020 1622
Partidu CNRT. Partidu CNRT.

DILI:Bankada Parlamentár Congresso Nasionál Reconstrucão Timor-Leste (CNRT) prefére liu atu halo uma ba professór no Médiku sira no laiha nessesariu atu harii uma ba deputadu sira.

Vise-Prezidente Bankada CNRT, Patrocínio dos Reis Fernandes informa ideia ne’e relasionadu planu harii edifisiu foun Parlamentu Nasionál no harii residensia ba deputadu sira.

“Bankada CNRT hanoin katak laiha nesesariu atu halo uma ba deputadu, tanba CNRT nia komprimisiu eleitorál mak estrada rurais sira, bee moos, eletrisidade, edukasaun, saúde  ba povu sira,”dehan Deputadu Patrócinio, iha Parlamentu Nasionál, kuarta ohin (19/08).

Tuir nia, komprimisiu kondus iha planu Oitavu Governu no iha komprimisiu eleitorál la ko’alia nein oituan atu harii uma ba deputadu sira.

“Partidu CNRT laiha fatin no laiha nesesidade atu halo uma ba deputadu sira se hakarak atu halo uma, nusá lahalo uluk uma professor sira,  par professor sira bele hela besik komplexu hamenus distansia ba sira,  par sira bele hanorin di’ak prepara kualidade ba futuru,” tenik nia.

Aliende ne’e, sujere kria rekursu umanu ba óspitais sira atu nunee pesoal saúde sira bele hela besik ba ospitais sira.

“Ha’u sedauk haree intensaun poupansa saida, maibé bankada CNRT laiha fatin atu halo apoia uma ba deputadu sira,”nia subliña. 

Rate this item
(0 votes)

Independente Digital TV