Print this page

Arão: Relatoriu KIP Konfidensial Featured

By Ekipa INDEPENDENTE Setembru 03, 2019 4458
Presidente Arao Presidente Arao

DILI: Prezidente Parlamentu Nasionál Arão Noe deklara katak relatoriu Komisaun Inkeritu Parlamentar (KIP) konfidensial tanba seidauk hetan apresiasaun iha plenaria Parlamentu Nasionál.

Prezidente PN hato’o kestaun ne’e relasiona ho deklarasaun husi Bankada FRETILIN atu haruka rekerimentu ba Ministériu Públiku (MP) hodi halo investigasaun ba relatoriu (KIP) ba projetu 143.

“Ha’u rona informalmente de’it kona-ba FRETILIN haruka relatoriu KIP ba MP tanba ne’e ha’u lakohi komenta ba buat ne’ebé sedauk ofisialmente mai, tanba ha’u mós sei haree, analiza lai ba lei sira ne’ebé regula ba kriasaun inkeritu parlamentar ninia konfindensial ne’e hotu. Tanba ne’e seidauk koalia ba ida lei fó dalan ka lae,” dehan Arão iha PN, Segunda (02/09).

Nia dehan, tuir lei inkeritu parlamentar, relatoriu ne’e seidauk iha apresiasaun iha plenária sei iha konfindensial.

“Tanba ne’e laiha komentariu ba asuntu ne’e,” dehan Prezidente PN ne’e.

Iha fatin hanesan deputadu Bankada PD Adriano do Nascimento konsidera asaun husi Bankada FRETILIN ne’e pozitivu, tanba tuir lei sidadaun hotu-hotu iha direitu atu husu MP halo investigasaun ba buat ruma ne’ebé karik la loos.

“Partidu FRETILIN iha direitu kuandu buat balun ne’ebé presiza verifika no sente katak ida ne’e iha tendensia korrupsaun, koluisaun, nepotismu, lori ba keixa depois Ministeriu Públiku halo investigasaun, serake ida ne’e loos ka lae depois tribunál foin deside,” dehan nia.

Nia dehan, asaun ne’e nu’udar buat ne’ebé di’ak hodi hatudu ba públiku katak buat hotu-hotu tenke tuir prosesu legal nunee labele fó sala ema de’it no labele dehan buat loos hotu deit baihira seidauk iha desijaun finál.

“(Se) laiha pratika korupsaun, koluizaun no nepotizmu ne’e di’ak liu tan, maibé ministeriu públiku indentifika iha irregularidade ruma ne’e mós di’ak hodi nune’e sasan sira tenke tuir ninia dalan legal,” dehan nia.

Rate this item
(0 votes)