“Tenke adia komunikasaun. Ha’u lee iha jornál ne’e dala-ruma hakbesik Parlamentu ba povu ne’e hanesan Parlamentu tenke barak liu tun ba kraik, la'ós hanesan ne’e, liuhusi komunikasaun ida ne’ebé di’ak ho kualidade,” dehan dehan Aniceto Guterres, iha Palasiu Prezidensiál, Bairru-Pité, horisehik.

Nia dehan, komunikasaun entre deputadu hanesan reprezentante ho povu entaun relasaun ne’e tenke di’ak nafatin liuhusi komunikasaun sira. Nune’e, Parlamentu bele loke espasu atu povu bele mai hato’o sira aspirasaun iha Parlamentu ho naran programa ‘Lian Povu’.

Alende ne’e, Parlamentu iha ona rádiu maibé rádiu ne’ebé bele halo tranzmisaun direta inklui halo publikasaun notísia no tuir planu sei kria kanál televizaun Parlamentu Nasionál.

Programa ne’e iha diferensa ho kontaktu eleitorál, tanba kontaktu eleitorál ne’e komunikasaun individuál entre deputadu ho ninia eleitór sira. Maibé iha kontestu ne’e ko’alia kona-ba instituisaun Parlamentu ne’ebé povu tomak nian.