Segunda, 26 Outubru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-10-25&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Angela Freitas Angela Freitas

Angela sei Halibur Dadus Molok Lori Lere ba Tribunal Featured

DILI: Portavoz grupu Rezistensia Nasional Defende Justisa no Konstituisaun RDTL, Angela Freitas, iha hakarak boot atu lori Xefe Estadu Maior Falintil Forsa Defeza Timor-Leste, Maijor Jeneral Lere Anan Timur ba tribunal relasiona ho akuzasaun kona-ba Angela ninia envolvimentu iha kazu ne’ebé hamate Afredo Reinado no Mauk Moruk.

Maibé atu lori prosesu ne’e ba to’o tribunal, Angela ho nia ekipa sei halibur hela dadus relasiona kazu ne’ebé Lere duun ba nia.

“Ida ne’e prosesu kontinua la’o nafatin, tanbá ida ne’e ami sei rekoila hela dadus sira tanba ita haree katak Jenerál Lere mensiona fali kazu sira iha anterior, ne’ebé ita haree rasik katak la envolve direitamente ho ha’u (Angela),” dehan Angela ba jornalista sira liu husi konferensia imprensa iha sede nasional RNDJ-KRDTL Bairu Formoza, Dili, Kuarta (16/09).

Tuir Angela, bainhira hakarak husu responsabilidade ba Alfredo nia mate, husu ba Mari Alkatíri no Taur Matan Ruak, tanba iha momentu ne’ebá Alkatiri mak sai nu’udar Primeiru Ministru no Tau mak lidera F-FDTL.

“Ami sei rejistu kazu ne’e ba iha Ministériu Públiku (MP) iha tempu badak, tanbá ami sei rekoila dadus sira ne’e hotu atu nune’e bele komprova katak husi parte Angéla Freitas la envolve iha kazu matebian Alfredo Reinaldo, no mós Mauk Moruk,” dehan nia.

Bainhira hakarak loke fila fali kazu ne’e, Angela ameasa atu konvida komisaun inkéritu internasional hodi loke faktus ne’ebé sira rekolla, atu nune’e públiku bele hatene see mak envolve iha kazu hamate Alfredo no Mauk Moruk.

“Lider sira ne’ebé ne’ebé mak naran mensiona ona (Alkatiri ho Taur), sira ne’e tama hotu iha komisaun inkéritu internásional no tanba saida mak investigasaun ne’e kompleta hotu, maibé sira taka tiha, no tanbá saida mak la fó sai ba públiku par ema bele hatene?.”

“Famila vitima sira ne’e hakarak hatene, ita labele lori fali ida ne’e ba sai fali instrumentu ida par kondena ema inosente sira, ita fase liman tiha,” dehan nia.

Asaun Pasifika Mosu iha Tempu Badak

Entretantu, konaba asaun pasifiku kontra Prezidente Repúblika, Francisco Guterres Lú-OLo, grupu RNDJ-KRDTL sei mantein no sei avansa iha tempu badak.

Daudauk ne’e, Angela hatete, RNDJ-KRDTL halo ona preparasaun ba asaun pasífika hodi hato’o petisaun ba PR Lú Olo.

“Ami sei mantein kontinua halo asaun, maibé data mak seidauk determina, tanba ami sei kontinua nafatin konsolida ita-nia sidadaun sira atu tuun,” dehan nia.

Tuir nia, asaun pasifiku ne’e nu’udar komprimisiu grupu RNDJ-KRDTL ho povu ne’ebe mak asina pestisaun.

“Ami-nia preparasaun ja está pronto par atu avansa, maibé ami haree mós ho situasuan atual iha rai laran, tanbá ita haree katak dadaun ne’e iha estadu emerjensia, ne’e duni ami mós lakohi atu prezudika fali no viola regras ne’ebe mak iha,” afirma nia.

Kona-ba intervensaun husi F-FDTL, Angela dehan, ida ne’e hanesan dezafiu ida ba RNDJ-KRDTL, maibé direitu manifestasaun hatuur ona iha konstituisaun RDTL.

“Ha’u hanoin intervensaun F-FDTL sei la hamate ami nia espiritu par atu kontinua nafatin hala’o ami-nia asaun ne’e, tanbá ida ne’e komitmentu povu ne’ebe mak la satisfas ho governante sira-nia ukun,” katak nia.

Read 450 times
Rate this item
(0 votes)