Tuir Komunikadu ne'ebe diariu ne'e asesu katak too agora motivu husi insidente ne’e seidauk identifikadu.

Padre Pe. Norberto Soares hatete, ahi komesa han iha tuku 21.35. Hahú han iha parte odamatan boot klaran. Lar ne’e iha dormitorio 4,3 ba estudantes Ensino Secundaria no 1 ba professora no staff internato nian.

"Ahi han lalais los tamba sasan sira ne’ebé iha laran mesak sasan sira ne’ebé fasil atu ahi han. Sasan sira ne’e mak hanesan roupa, armario, kama, kulsaun ou sponza, plafon ne’ebé halo husi tripleks. Ahi han la too minutos10, internato nee quase atu hotu kedan. Bombeiros sira mos labele halo barak tamba ahi han lais,"dehan Amo liu husi komunikadu ne’e.

Motivu husi kauza ne'e to'o agora seidauk iha serteza. Iha ipotesa tolu ba ahi han ida nee: ida, Circuito electricidade; rua, husi lilin sira ne’ebé estudante sira sunu atu reza; no tolu, ema mak sunu (crime).

“Ida ne’e ami husik ba autoridade kompetente mak tenke identifica. "Larista/Menina asrama Estudate sira nebe hela iha lar Colegio Infante de Sagres Maliana iha 117. Sira ne’ebé afetadu materialmente no psikologikamente iha estudate 92,"tenik Amo Norberto.

Nia esplika, iha momentu akontesimentu, estudante sira maioria iha hotu liur hela, sira sei estuda hela, tan ne’e fasil atu hases aan.

"Estudantes na’in tolu de’it mak iha dormitorio laran, no ho tulun Maromak nian sira mos bele sai husi lar. Laiha estudantes ida mak sai vitima direita ba incendio ne’e. Iha estudantes na’in hat (4) mak trauma no konsege lori sira ba hospital Maliana. too agora sira hotu di’ak ona".

Estudante sira oras ne’e evakua on aba Diocese Maliana.