Tersa, 14 Jullu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-07-12&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Xanana Xanana

Aban, Xanana Hakat ba Palasiu Prezidente Featured

DILI: Tuir orariu iha Sesta (06/03) Prezidente Partidu CNRT ne'ebé lidera mós koligasaun foun, Kay Rala Xanana Gusmão, sei hakat ba palasiu prezidensial hodi hasoru-malu ho Prezidente Repúblika Francisco Guterres Lú Olo.

Presidente Bankada CNRT iha Parlamentu Nasionál, Duarte Nunes hatete, iha semana kotuk (27/2), Koligasaun kompostu husi Partidu CNRT, PD, KHUNTO, PUDD no UDT/ FRENTE MUNDANCA haruka ona karta audénsia ho Presidente Repúbika Francisco Guterres Lú Olo.

Konteúdu husi karta ne’e, Duarte esplika hakerek kona-ba oinsa distiñu koligasaun foun atu bele harii ona governu foun ho indijitadu Primeru Ministru foun.

“Koligasaun ne’ebé antes ne’e forma ona husi partidu neen (6) iha fulan-fevereiru liu ba prontu ona no iha Sesta-feira ida ne’e Presidente (partidu CNRT) Xanana Gusmão sei ba hasoru malu ho Presidente Repúblika hodi ko’alia kona-ba distiñu koligasaun foun no oinsa atu forma governu foun iha tempu badak,’’dehan Duarte ba diariu ne’e, iha Parlamentu Nasional, Kuarta-feira (04/03).

Nia dehan, Koligasaun foun ne’e lideradu husi partidu CNRT, tanba ne’e Presidente partidu CNRT Xanana rasik maka sei lidera Koligasaun foun ne’e hodi aprezenta ba Presidente Repúblika.

Maibé tuir nia katak, Sesta-Feira (aban) maka Xanana Gusmão la Marka prezensa iha inkontru ne’e, Deputadu Duarte konsidera Koligasaun ne’e la kompletu tanba Xanana mak hatene liu kona-ba koligasaun foun ida ne’e.

Xefi Bankada CNRT ne’e konfesa katak, to’o agora Koligasaun lideradu husi partidu CNRT sedauk hatama lista membru Governu ho razaun katak Presidente Repúblika seidauk fó pose ba Primeru Ministru foun.

“Ita espera katak sorumotu entre Presidente Repúblika ho Koligasaun foun iha Sesta-Feira ida ne’e bele indijita ona Primeru Ministru foun,”dehan nia.

Nia akresenta liu tan katak, kona-ba naran Primeru Ministru foun sedauk bele fó sai ba públiku tanba Presidente Repúblika seidauk deside.

Entretantu tuir informasaun katak, Presidente partidu CNRT Xanana Gusmão halo hela viajen ba rai liur.

“Husi gabinete (PR) konfirma atu enkontru ne’e sei realiza iha Sesta-feira tuku 9," informa mós husi Sekretáriu Jerál Partidu Demokratiku (PD), António da Conceiҫгo "Kalohan" iha Sede PD, Kolmera, Kuarta (04/03).

Aleinde Xanana, Sekjer PD reforsa dehan, enkontru ne'e sei partisipa mós husi Prezidente Partidu Politiku sira ne'ebé forma ona koligasaun foun hamutuk ho CNRT.

Partidu hirak ne'ebé sai ona aliadu ba CNRT mak PD, KHUNTO, PUDD, no UDT/FM.

Enkontru ne'e, Sekjer PD ne'e dehan, ho intensaun atu halo aprezentasaun ofisial ida ba PR Lú Olo kona-ba koligasaun foun.

Molok ne'e, nia hatete, iha planu atu hasoru-malu ho PR Lú Olo iha Kuarta, maibé adia.

Kalohan rekoñese katak durante ne'e publiku iha espetativa atu Xanana hasoru malu ho PR Lú Olo.

Read 983 times
Rate this item
(0 votes)