Domingu, 06 Dezembru 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-12-04&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Estudante sira konsome aihan husi programa merenda eskolar. Estudante sira konsome aihan husi programa merenda eskolar.

Orsamentu Programa Merenda Eskolar iha 2021 Hamutuk Tokon U$11 Featured

DILI: Governu liu husi Ministériu Administrasaun Estatal (MAE), planeia ona sei prevee orsamentu hamutuk tokon U$11 hodi implementa programa merenda eskolár iha munisípiu 12, la inklui RAEOA.

Diretór Nasionál Finansas Munisipal MAE, Valente de Fatima Miranda, hatete, iha 2021 governu planeia ona prevee orsamentu ne’e ba programa merenda eskolar, maibé sei diskute iha Parlamentu Nasionál.

“Orsamentu ne’ebé atu aloka ba iha implementasaun programa merenda eskolár husi Ministériu Estatal, maibé politikamente kontinua nafatin husi Ministériu Edukasaun Juventude no Desportu, tanba programa ne’e ministeriu edukasaun nian,” dehan nia, iha knaar fatin, MEJD, Villa-Verde.

Iha 2021, MAE halo ona diskusaun katak, kapasidade orsamentu ne’e la konsege kobre hotu loron efktivus hamutuk 190 ne’e, maibé iha komissaun polítika konsege aprova ona osan hamutuk tokon U$11, no orsamentu ida ne’e ba de’it programa merenda eskolar nian.

Kada loron estudante hamutuk ida sei haan osan 0,25 sentavus, ho númeru estudante hamutuk na’in 297.061 mak sei hetan benefisiu.

Orsamentu ne’e normalmente MAE ho Sekretariu munisípiu sira sei transfere direita ba iha konta bankaria kada eskola, depois mak sira halo jestaun tuir prosedimentu ne’ebe mak MEJD nia planu rasik.

iha 2017 to’o agora MAE  seidauk halo alterasaun ida ba prosedimentu manual ho regulamentu sira seluk, sira nafatin ezekuta saida mak MEJD durante ne’e hala’o iha munisípiu, maibé iha loron 1 fulan-Setembru 2016 asina ona kontratu entre MEJD ho MAE ne’ebé mak hala’o iha Kristu-Rei, ho ida ne’e mak iha 2017 to’o agora munisípiu sira nia implementasaun programa merenda eskolár ne’e planu munisípiu rasik mak  ezekuta.

Orsamentu ba 2020 nian la tau iha MAE, maibé aloka direitamente ba iha munisípiu ida-idak, no iha tinan 2020 ne’e alokasaun orsamentu kada munisípiu ida-idak la hanesan, tanba bazei ba kapasidade orsamentu kada tinan, tuir loloos munisípiu sira governu liu husi MAE iha dever hodi obriga atu nune’e tenke aloka kada tinan ba eskola sira tuir manual ho regulamentu sira ne’ebé mak regularija kona-ba programa merenda eskolár nian.

Antes atu aloka orsamentu tenke define  dahuluk nia loron efektivu husi programa merenda eskolar rasik, iha tinan ida iha 190 dias efektivus ka 196, maibé normalmente munisípiu sira ezekuta mak iha 190 dias efektivu, ida ne’e hahú kedas iha tinan hirak liu ba kotuk no to’o mai agora.

Iha tinan ida ne’e la konsege ezekuta pograma merenda eskolar, tanba Covid-19, entaun munisípiu sira la konsege tranfere osan ne’e ba iha eskola sira, tanba loron efektivu ne’e nafatin, maibé aula mak la efektivu hanesan baibain.

Antes ne’e, Diretór Nasionál Asaun Eskolár, Joaquim Martins, hatete, implementasaun programa Merenda eskolár 2020 iha munisipiu hotu la’o ho di’ak, maibé  durante ne’e afetadu husi Covid-19, entaun hahú husi fulan-Marsu merenda eskolár paradu tiha no hahú fali iha fulan-Juñu.

Diretór ne’e husu ba entidade hotu atu monitoriza programa ne’e atu la’o tuir nia padraun.

Read 430 times
Rate this item
(0 votes)