Komisaun B: Kilat ba PSIC Ne’e Legal Featured

By Joenaca Da Conceicao Outubru 19, 2020 823
Presidente Komisaun B, José Agotino Sequeira Somoxtho. Presidente Komisaun B, José Agotino Sequeira Somoxtho.

DILI:Komisaun B, ne’ebé trata Asuntu Defesa, Seguransa no Negosiu Estrangeiru iha Parlamentu Nasionál laiha ona pozisaun ba kilat ne’ebé Polísia Sientífika Investigasaun Crimibal (PSIC) atu utiliza, tanba lei mak haruka.

Presidente Komisaun B, José Agotino Sequeira Somoxtho hateten, tuir lei organika PSIC, artigu 20 fó autorizasaun ba PSIC atu bele utiliza arma.

"Iha nesesidade ka laiha nesesidade loloos ne'e haree uluk kedas maibé tanba halo ona lei ita agora ko'alia legalidade tanba legalidade ne'e maka fó dalan para Ministru da Justisa tuir,"dehan nia iha resintu Parlamentu Nasionál, segunda ohin.

Tuir Somoxtho, lalika deskuti ona kona-ba lei, tanba lei fó ona autorizasaun, maibé karik parte kompetente balun ladun satisfas tenki liu husi konsensu ida atu bele haree nesesidade PSIC uza kilat ho nia tipu oinsa.

"Iha lei organiku PSIC, artigu 20 dehan katak sira iha autorijasaun atu bele iha kilat, kona ba kilat kaliber ho tipu ne'e hanesan prezidente komisaun B ha'u hanoin presiza tuir hamutuk atu bele iha konsensu ida kona-ba kilat,"tenikn nia.

Somoxtho mós husu atu halo interferensia entre PSIC ho PNSIK. Nia dehan, dala barak iha koflitu tanba laiha definasaun ba instituisaun rua ne’e kona-ba kompetensia.

Rate this item
(0 votes)

Independente Digital TV