Print this page

2021, Ema ho Defisiensia 24 Hetan Rejime Espesiál Asesu iha UNTL Featured

By Camilio Sousa Novembru 30, 2020 897
Diretur Executivo ADTL, Cezario da Silva. Foto Saturnina da Costa/INDEPENDENTE. Diretur Executivo ADTL, Cezario da Silva. Foto Saturnina da Costa/INDEPENDENTE.

DILI:Sidadaun Timor-Leste hotu-hotu iha direitu atu asesu ba edukasaun ho kualidade, laiha deskriminasaun, laiha kór, laiha rás no laiha defisiensia bainhira hakarak buka matenek.

Tanba ne’e, Assosiasaun Defisensia Timor-Leste (ADTL) iha tinan 2021 hetan oportunidade halo kooperasaun ho Universidade nasionál Timor Lorosa’e (UNTL) hodi bele hetan rejime espesial.

Diretur Executivo ADTL, Cezario da Silva hateten bazea ba programa prinsipal ADTL nian servisu hamutuk ho UNTL iha tinan ne’e konsege haruka rejime spesial atu nune Ema ho Defisiensia bele asesu edukasaun iha UNTL.

"Bazea ba rezime spesial ne’ebé UNTL husu maka ADTL manda ona lista kandidatu hamutuk 24 pesoas hodi asesu edukasaun iha UNTL iha 2021,"dehan Cezario ba online INDEPENDENTE ohin, iha nia knar fatin Maskarinhas.

Total hamutuk na’in 24 ne’e, eskoillla husi númeru Ema ho Defisiensia 38,118. Na’in 24 ne’e ADTL hatama ona ba Administrasaun UNTL nian hodi prosesa.

"24 pesoas ne’e la siknifika katak liu hotu ona maibé prosesu tomak ADTL intrega ona ba UNTL atu prosesu tuir kriteria, liu ka la liu UNTL mak sei prosesu naran katak dokumentus ne’ebé UNTL presija ADTL kompleta hotu ona,''dehan nia.

Iha biban ida ne’e,  Cezario mos agredesa ba doasaun ne’eb’e durante ne’e Governu Australia fó liu husi Agensia Partnership for Human Development (PHD), MSSI, SEFOPE  no Gabinete Primeru Ministru ne’ebé sempre ajuda ADTL ba atividade edukasaun no ekonomia.

Dadus atualidade Ema ho Defisiensi husi 2015 too 2020 hamutuk rihun 38,118. Husi númeru ne’e defisiensi matan hamutuk rihun 14, defisiensia tilun rihun 12, defisiensia mobiliario rihun 7 no númeru efisensia kiik liu mak difesiensia intelektual hamutuk rihun 3.

ADTL hanesan sumbrinha ba organizasaun oin oin ne’ebé servisu ba atividade Ema ho Defisiensia. Hanesan Assosiasaun Matan Timor-Leste (AMTL), Ahisaun no Organizasaun seluk seluk tan ne’ebé tau matan ba Ema ho Defisiensia, ADTL mak nudar sai mahon ba sira.

"ADTL mak sai mahon ba organizasaun Ema ho Defisiensia iha Timor-Leste, maibé ADTL nia programa principal mak edukasaun,"dehan Cezario.

Rate this item
(0 votes)
Last modified on Segunda, 30 Novembru 2020 22:18