Domingu, 23 Setembru 2018 | Login
Diretór Ezekutivu Judicial System Monitoring Programme (JSMP) Diretór Ezekutivu Judicial System Monitoring Programme (JSMP)

PR iha Kompeténsia Estuda OJE Durante Loron 30 Featured

DILI: Orsamentu Jerál Estadu (2018) ne’ebé Parlamentu Nasionál aprezenta ona ba Prezidente Repúblika, posibilidade sei dura tempu kleur tanba Xefe Estadu iha kompeténsia tuir lei atu estadu durante loron 30.

Diretór Ezekutivu Judicial System Monitoring Programme (JSMP), Luis de Oliveira Sampoio hatete, Konstituisaun RDTL dehan Prezidente Repúblika bele uza nia kompeténsia atu estuda OJE.

Nune’e, Xefe Estadu mós bele iha hanoin seluk bainhira rona husi nia tékniku no asesór sira ne’ebé durante akompaña OJE ne’e to’o iha ne’ebé no importánsia ne’e iha ne’ebé.

Husi ne’e maka Prezidente Repúblika bele halo konsiderasaun atravesa informasaun sira ne’e hotu.

“Ha’u fiar katak presidente rasik akompaña hela diskusaun sira ne’e no rona relatóriu ruma mai husi Primeiru Ministru, maibé ne’e depende ba presidente nia pronunsia iha situasaun, tanba agora daudaun ita iha krize laran”, dehan Luis, iha servisu fatin, Kolmera, horisehik.

Tanba ne’e, tuir nia, karik Xefe Estadu hakarak dada tan nia implikasaun ba funsionamentu mákina estadu, administrasaun públika, atendimentu saúde, seguransa no dívida sira.

Tanba ne’e, tenke sukat buat sira ne’e hotu atu bele deside iha semana ida nia laran ka bele halo desizaun ne’ebé oin seluk.

Read 124 times
Rate this item
(0 votes)