Kuarta, 12 Dezembru 2018 | Login
Fidelis Magalhães Leite Fidelis Magalhães Leite

PM Taur Orienta Membru Governu Aprezenta Riku-soin Featured

DILI: Xefe Governu, Taur Matan Ruak, hakarak apela ba membru Governu tomak atu halo aprezentasaun rikusoin ba Tribunál Rekursu no publika ba povu tomak atu bele hatene rikeza husi governante sira nian.

Ministru Reforma Lejizlativa Asuntu Parlamentár (MRLAP), Fidelis Magalhães Leite hateten, orientasaun husi Xefe Governu ezije ba membru tomak tenke aprezenta rikusoin ba Tribunál rekursu, nune’e salva Governu iha aktu korrupsaun no nepotizmu iha boa governasaun.

“Ne’ebé ami sei hatama. Sé ha'u la sala loron ikus mak 20 Agostu tinan ne’e, ne’ebé membru Governu tomak sei lori rikusoin ne’e ba Tribunál Rekursu hodi aprezenta”, dehan nia, iha Uma Fukun Parlamentu Nasionál, horisehik.

Nia hatutan, bainhira membru ne’ebé la aprezenta riku-soin maka Xefe Governu sei hatún desizaun hodi hasai ema ne’e.

Nune’e, iha Kritériu ne’ebé Tribunál fó sai katak, membru Governu tomak tenke iha rikusoin labele to’o porsentu 10%, bainhira riku-soin liu porsentu 10% maka tenke presta deklarasaun.

Tanba ne’e, kompromisu hodi salva Governu, atu moos husi korrupsaun no nepotizmu. Ne’e duni, intensaun Governu nian hakarak nasaun ne’e hotu hotu iha diretu ne’ebé hanesan.

Iha Fatin hanesan, Vise-Prezidente Bankada FRETILIN, Francisco Miranda Branco dehan, iha lei ezije ba membru Governu tomak tenke aprezenta riku-soin ba Tribunál Rekursu, nune’e povu Timor-Leste hatene rikeza sira nian.

Nia hatutan, riku-soin sira ne’ebé membru Governu sira atu aprezenta iha Tribunál Rekursu tenke avalia sira ne’ebé antes ne’e membru Governu iha no mós asume pasta iha ministériu sira.

Tanba ne’e, opozisaun konkorda ho ideia Xefe Governu atu salva Governu, nune’e limita membru sira komete korrupsaun bainhira kaer pasta importante.

Haree ba orientasaun husi Xefe Governu nian, Ministru Defeza (MD), Filomeno Paixão hateten, bainhira lei obriga nia ba aprezenta riku-soin iha Tribunál Rekursu maka sei halo tuir, maibé kuandu laiha sei konsidera hanesan fakultativu, tanba la'ós na’ok-teen atu ba halo deklarasaun.

“Se presiza ha’u halo, ha’u halo”, dehan nia, Palasiu Prezidensiál Bairru-Pité, horisehik.

Nia esplika, riku-soin ne’ebé nia hetan la’ós mai husi rezultadu korrupsaun tanba ne’e bele ba aprezenta ho inisiativa rasik.

Read 1055 times
Rate this item
(0 votes)