Sábadu, 16 Dezembru 2017 | Login
Aniceto Aniceto

Parlamentu Nasional La Simu Ideia Hapara Sosa Karreta Foun Featured

DILI: Parlamentu Nasionál sei la muda desizaun ne’ebé foti ona. Ne’e duni, la simu ideia ne’ebé sosiedade sira hato'o atu hapara sosa karreta foun, tanba sei kontinua nafatin sosa karreta foun ba deputadu 65, iha Uma Fukun PN.

Prezidente Parlamentu Nasionál, Aniceto Longuinhos Guterres hateten, desizaun halo alienasaun no sosa karreta, tanba karreta tuan ne’e ekonomikamente halo despeza boot, maibé ho karreta foun ne’e mais simples.

Ne’e duni, Parlamentu Nasionál no estudante sira husi grupu Movimentu Universitáriu Timor-Leste (MUTL) iha diferensa ideia kona-ba poupansa osan povu nian.

“Sira nia reprezentante ami hasoru malu ho Prezidente Parlamentu Nasionál no lider bankada husi partidu lima, maibé to’o ikus iha enkontru ne’e ami la konkorda malu, tanba hanoin la hanesan ona”, dehan nia, iha Palásiu Prezidensiál Ai-Tarak Laran, horisehik.

Nia esplika, estudante sira dehan deputadu la presiza sosa karreta bele sa’e bís ba-mai.

Maski nune’e, nia dehan, Parlamentu Nasionál nu’udar Órgaun Estadu, deputadu sira iha podér hodi deside kona-ba alienasaun no sosa karreta foun.

“La'ós kestaun alienasaun no sosa karreta foun ka tuan, maibé hanoin katak deputadu sira ka Parlamentu Nasionál nu’udar Órgaun Estadu iha transporte,” hateten nia.

Maski, diskusaun ne’e la konkorda malu, maibé Parlamentu Nasionál nakloke nafatin nu’udar uma fukun Parlamentu Nasionál ba povu nian se de'it atu hato’o sira nia opiniaun ba kualkér asuntu, prontu simu.

 

Read 950 times
Rate this item
(0 votes)
  • MidAd1
  • Heineken Klaran
AdBottom1